പടത്തലവന് മുന്നില് നിന്ന് നയിച്ച മത്സരത്തില് പറങ്കിപ്പടയ്ക്ക് അത്യുഗ്രന് വിജയം. യൂറോകപ്പ് യോഗ്യത റൗണ്ടിലാണ് പോര്ച്ചുഗല് വിജയം തുടര്ന്നത്. ബോസ്നിയയെ എതിരില്ലാത്ത അഞ്ചു ഗോളുകള്ക്കാണ് തോല്പ്പിച്ചത്. തുടര്ച്ചയായ എട്ടാം വിജയവുമായാണ് യോഗ്യത റൗണ്ടില് പോര്ച്ചുഗല് കുതിക്കുന്നത്. ഇതാദ്യമായാണ് പോര്ച്ചുഗല് എട്ട് മത്സരങ്ങള് തുടര്ച്ചയായി ജയിക്കുന്നത്.
അഞ്ചാം മിനുട്ടില് ഒരു പെനാള്റ്റിയില് നിന്നാണ് റൊണാള്ഡോ പോര്ച്ചുഗീസ് പടക്ക് ലീഡ് നല്കിയത്. പിന്നാലെ ലീഡ് ഇരട്ടിയാക്കി റോണോ തന്നെ വീണ്ടും സ്കോര് ചെയ്തു. ആദ്യ പകുതിയില് ബ്രൂണോ ഫെണ്ണാണ്ടസും ജാവോ കാന്സലോയും ആദ്യ പകുതി അവസാനിക്കുന്നതിന് തൊട്ടുമുന്പ് ജോവോ ഫെലിക്സ് 43-ാം മിനുട്ടില് സ്കോര് ഷീറ്റ് തികയ്ക്കുകയായിരുന്നു. യൂറോപ്യന് യോഗ്യത റൗണ്ടില് എട്ട് മത്സരങ്ങളില് നിന്ന് എട്ട് വിജയവുമായി 24 പോയിന്റോടെ പോര്ച്ചുഗല് ഗ്രൂപ്പില് ഒന്നാമതാണ്.
