മനുഷ്യന്റെ ബുദ്ധിശക്തിയും ഓർമശക്തിയും അളക്കുന്നവയാണ് ഒപ്റ്റിക്കൽ ഇല്യൂഷനുകൾ. ചിലപ്പോൾ ചില ചിത്രങ്ങൾ, കണക്കുകൾ ഒക്കെയാകാം മനുഷ്യനെ പരീക്ഷിക്കാനായി എത്തുക. വളരെ ലളിതമെന്ന് തോന്നുന്ന കാര്യത്തിലാകും ഒരുപക്ഷേ ഏറ്റവും വലിയ കാര്യം ഒളിഞ്ഞിരിക്കുക.
ഒറ്റനോട്ടത്തിൽ അതിലളിതമെന്ന് തോന്നുന്ന ചിത്രമാണ് താഴെ നൽകിയിട്ടുള്ളത്. ചോദ്യം വളരെ ചെറുതാണ്, എത്ര മുട്ടയാണ് ട്രേയിൽ അടുക്കി വെച്ചിരിക്കുന്നത്? കണക്കിലുള്ള മിടുക്ക് പരിശോധിക്കാൻ സഹായിക്കുന്ന ഒരു ചിത്രവും കണക്കുമാണ് ഇത്.
ഈസിയായ ഈ ചോദ്യത്തിനുള്ള ഉത്തരം കണ്ടെത്തുന്നതിൽ 95 ശതമാനം ആളുകളും പരാജയപ്പെട്ടതായാണ് പഠനങ്ങൾ പറയുന്നത്. അത്രയധികം കഠിനമാണ് ഉത്തരം കണ്ടെത്താൻ എന്ന് ചുരുക്കം. എന്നാൽ നിങ്ങളിൽ എത്ര ബുദ്ധിശാലികൾക്ക് കൃത്യമായ ഉത്തരം കണ്ടെത്താൻ കഴിഞ്ഞുവെന്ന് നോക്കാം…
ട്രേയിലെ ആകെ മുട്ടകളുടെ എണ്ണം ഭൂരിഭാഗം ആളുകൾക്കും 16 എന്നാകും ലഭിച്ചിട്ടുണ്ടാവുക. എന്നാൽ നിങ്ങൾക്ക് തെറ്റി. മുട്ടയുടെ എണ്ണം കണ്ടെത്തുന്നതിനായി ഈ മാർഗമൊന്ന് സ്വീകരിച്ചുനോക്കൂ.
ആദ്യം താഴത്തെ നിരയിൽ നിന്ന് വേണം മുട്ട എണ്ണാൻ. നാല് മുട്ടകളാണ് അവിടെയുള്ളത്. അതായത് നാല് വരിയും നാല് നിരയും, 4 X4 എന്ന അടിസ്ഥാനത്തിൽ കണക്കാക്കുമ്പോൾ 16 മുട്ടയാണ് താഴത്തെ നിരയിലുള്ളത്. രണ്ടാമത്തെ നിരയിൽ മൂന്ന് നിര മുട്ടയാണ് ഉള്ളത്. 3X3, അതായത് 9 മുട്ടകൾ. മൂന്നാം നിരയിൽ രണ്ട് മുട്ട വീതം. അതായത്, 2X2 നാല് മുട്ടകൾ. ഈ ലഭിച്ച സംഖ്യകൾ തമ്മിൽ കൂട്ടിയാൽ മുട്ടകളുടെ എണ്ണം ലഭിക്കും. അതായത്, 16+9+4+1= 30 മുട്ടകൾ. നിങ്ങൾക്ക് കിട്ടിയ ഉത്തരം ഇതുതന്നെയാണോ? എങ്കിൽ നിങ്ങൾ ബുദ്ധിരാക്ഷസൻ തന്നെ എന്ന് വേണം പറയാൻ.