അടുക്കളയിലെ സ്ഥിരം സാന്നിധ്യമാണ് മുട്ട. ആരോഗ്യകാര്യത്തിലും സൗന്ദര്യ സംരക്ഷണത്തിലും പ്രധാന പങ്ക് വഹിക്കുന്ന ഒന്നാണ് മുട്ട.
കുട്ടികൾ മുതൽ പ്രായമായവർക്ക് വരെ ധൈര്യമായി കഴിക്കാൻ പറ്റുന്ന ഒന്നാണ് മുട്ട. വിറ്റാമിൻ എ, ഡി, ബി 12, റൈബോഫ്ലേവിൻ, സെലിനിയം എന്നിവയുൾപ്പെടെ അവശ്യ വിറ്റാമിനുകളുടെയും ധാതുക്കളുടെയും കലവറയാണ് മുട്ടകൾ.
പലപ്പോഴും കേടായ മുട്ടയും നല്ല മുട്ടയും കണ്ടാൽ തിരിച്ചറിയാൻ ബുദ്ധിമുട്ടാണ്. പാചകം ചെയ്യാൻ എടുക്കുമ്പോഴായിരിക്കും പലപ്പോഴും ഇവ ചീത്തയായിരുന്നുവെന്ന് തിരിച്ചറിയുന്നത്. എന്നാൽ മുട്ട പൊട്ടിക്കാതെ തന്നെ കേടായോ എന്ന് അറിയാൻ കഴിയും.
ഫ്ളോട്ട് ടെസ്റ്റ്-The Float Test
മുട്ടയുടെ പഴക്കം കണ്ടെത്താൻ കഴിയുന്ന പ്രധാന മാർഗമാണ് ഫ്ളോട്ടിംഗ് ടെസ്റ്റ്. മുട്ടയും തണുത്ത വെള്ളവുമാണ് ഇതിന് ആവശ്യം. പുതിയ മുട്ടയാണെങ്കിൽ, നല്ല മുട്ടയാണെങ്കിൽ മുട്ടകൾ വെള്ളത്തിൽ മുങ്ങി കിടക്കും. എന്നാൽ ചീഞ്ഞ മുട്ടകൾ വെള്ളത്തിന് മുകളിൽ പൊങ്ങി കിടക്കും. കേടായ മുട്ടകളിലെ ഷെല്ലിനുള്ളിലെ ചെറിയ എയർ പോക്കറ്റാണ് പൊങ്ങി കിടക്കുന്നതിന് കാരണം. മുട്ടയ്ക്കുള്ളിലെ വായു കുമിള കാലപ്പഴക്കത്തിന് അനുസരിച്ച് വലുതാകുന്നു.
സ്പോട്ട് ടെസ്റ്റ്- The Spot Test
മുട്ട മണത്ത് നോക്കുന്നത് വഴി മുട്ട കേടായോ എന്ന് കണ്ടെത്താനാകും. പൊട്ടിയ മുട്ടയ്ക്ക് രൂക്ഷമായ ഒരുതരം ഗന്ധമുണ്ടാകും. സൾഫറസ് മണമാണിത്. അത്തരത്തിൽ രൂക്ഷ ഗന്ധം ലഭിച്ചാൽ അവ ചീത്തയാണെന്ന് സാരം.
ഹിയറിംഗ് ടെസ്റ്റ്- The Hearing Test
ടെസ്റ്റിംഗിനായിട്ടുള്ള മുട്ട എടുക്കുക. തുടർന്ന് മുട്ടയെ ലംബമായി പിടിക്കുക. ചെവിയോട് ചേർത്ത് പിടിച്ച് കുലുക്കി നോക്കുക. ഇത്തരത്തിലും മുട്ട ചീഞ്ഞതാണോ അല്ലേ എന്നറിയാം.
സൈറ്റ് ടെസ്റ്റ്- The Sight Tets
ഈ ടെസ്റ്റ് നടത്തുന്നത് മുട്ട പൊട്ടിച്ച് നോക്കിയാണ്. മുട്ടയുടെ മഞ്ഞക്കരുവിന്റെ ആകൃതിയിൽ ഏതെങ്കിലും തരത്തിൽ വ്യത്യാസം തിരിച്ചറിഞ്ഞാൽ മുട്ട പഴകിയതാണ്.