മലയാളികൾ ഏറെ ഇഷ്ടപ്പെടുന്ന നടന്മാരിൽ ഒരാളാണ് അശോകൻ . ഒരുപിടി മികച്ച സംവിധായകരുടെ കൂടെ അഭിനയിക്കാൻ ഭാഗ്യം ലഭിച്ച അപൂർവം നടന്മാരിൽ ഒരാൾ കൂടിയാണ് അശോകൻ.മൂന്നാം പക്കം, തൂവനത്തുമ്പികൾ , അമരം, വൈശാലി എനിവയിലും മറക്കാനാകാത്ത അഭിനയമാണ് അശോകൻ കാഴ്ച്ച വച്ചത് .മിമിക്രി കലാകാരന്മാർ ഏറെയും അനുകരിക്കാറുള്ള നടൻ കൂടിയാണ് അശോകൻ.
അശോകന്റെ കണ്ണുകളും അതുകൊണ്ടുള്ള ചലനങ്ങളും അനുകരിച്ചാണ് മിമിക്രി കലാകാരന്മാർ കയ്യടി വാങ്ങാറുള്ളത്. എന്നാൽ പലരും തന്നെ ഓവറാക്കി അനുകരിച്ച് കളിയാക്കുന്നതായി തോന്നിയിട്ടുണ്ടെന്നും അതിൽ വിഷമമുണ്ടെന്നും പറയുകയാണ് അശോകൻ.
അമരം സിനിമയിലെ എന്റെ നോട്ടത്തെ കളിയാക്കിയാണ് പലരും മിമിക്രി ചെയ്യുന്നത്. കളിയാക്കുന്നത് കണ്ടാല് മനസിലാവും. അത്രയ്ക്കൊന്നും ഞാന് നോക്കിയിട്ടില്ല. മിമിക്രിയെന്ന് പറയുമ്പോള് കുറച്ചധികം അവര് കയ്യില് നിന്നിട്ട് കളിക്കുന്നതാണല്ലോ.അങ്ങനെ ഞങ്ങളെ പോലുള്ള നടന്മാരെ വിറ്റ് ജീവിക്കുന്നവര് മനപൂർവം കളിയാക്കുകയും ചെയ്യും. കണ്ണൂര് സ്ക്വാഡിലൊക്കെ അഭിനയിച്ച അസീസ് ആ ഗണത്തില് പെട്ടതാണ്. അയാള് അത്ര നന്നായി എന്നെ അനുകരിക്കുന്നതായി എനിക്ക് തോന്നിയിട്ടില്ല. ഓവറാക്കി കളിയാക്കുന്നത് പോലെയാണ് തോന്നിയത്. എന്നെ കാണിച്ചാണ് പോപ്പുലറായതെന്ന് അയാള് തന്നെ എന്നോട് പറഞ്ഞിട്ടുണ്ട്. മിമിക്രി കാണിക്കുന്നത് ഓരോരുത്തരുടെ ഇഷ്ടമല്ലേ അത് ചോദ്യം ചെയ്യാന് പറ്റില്ലല്ലോ.’
‘ഇഷ്ടത്തോടെ കാണിക്കുന്നവര് നല്ല രീതിയില് മിതത്വത്തോടെ കാണിക്കുമെന്നുമാണ്’, അശോകന് പറഞ്ഞത്.
