തൃശൂർ: തിപ്പിലശ്ശേരിയിൽ വീട്ടിൽ നിന്നും ഒൻപതര പവന്റെ സ്വർണാഭരണങ്ങൾ കവർച്ച ചെയ്യപ്പെട്ടു. തിപ്പിലശ്ശേരി വായനശാലക്ക്
സമീപത്തെ കക്കാടത്ത് വീട്ടിൽ ഉണ്ണികൃഷ്ണന്റെ വീട്ടിൽ നിന്നാണ് നാലര ലക്ഷം രൂപയുടെ ആഭരണങ്ങൾ നഷ്ടപ്പെട്ടത്.അടുത്ത ആഴ്ച വീട്ടിൽ കല്യാണം നടക്കാൻ ഇരിക്കുകയായിരുന്നു. ഇതിനായി വീട്ടിലെ കിടപ്പുമുറിയിലും അടുക്കളയിലെ മേശയിലുമായി സൂക്ഷിച്ചിരുന്ന സ്വർണാഭരണങ്ങളാണ് നഷ്ടപ്പെട്ടത്. വിവാഹ ഒരുക്കങ്ങളുടെ ഭാഗമായി വീട്ടിൽ പെയിന്റിംഗ് അടക്കമുള്ള ജോലികൾ നടക്കുകയായിരുന്നു. സംഭവത്തിൽ കുന്നംകുളം പോലീസ് അന്വേഷണംആരംഭിച്ചിട്ടുണ്ട്.
