ഓസ്ട്രേലിയക്കെതിരെയുള്ള അഞ്ചു മത്സരങ്ങളടങ്ങിയ ടി20 പരമ്പരയ്ക്കുള്ള ടീമിനെ അടുത്തയാഴ്ച പ്രഖ്യാപിക്കും. കോലിയും രോഹിത്തും അടക്കമുള്ള താരങ്ങള്ക്ക് വിശ്രമം നല്കിയേക്കും. ലോകകപ്പിനിടെ പരിക്കേറ്റ ഹാര്ദിക് പാണ്ഡ്യയുടെ തിരിച്ചുവരവും ആശങ്കയിലായതിനാല് സൂര്യകുമാര് യാദവ് ടീം ഇന്ത്യയുടെ നായകനാവുമെന്നാണ് ലഭിക്കുന്ന സൂചനകള്.
സയ്യിദ് മുഷ്താഖ് അലി ട്രോഫിയുടെ ഫൈനല് അടുത്ത ആറിനാണ്. ഇതു കഴിഞ്ഞാകും ടീം പ്രഖ്യാപനം ഉണ്ടാവുക. നവംബര് 23 മുതലാണ് ഓസ്ട്രേലിയയുമായുള്ള സീരിസ് ആരംഭിക്കുക. ചീഫ് സെലക്ടര് ഉടനെ മറ്റ് സെലക്ടേഴ്സുമായു കൂടികാഴ്ച നടത്തിയേക്കും.
സെലക്ടേഴ്സിന് ഋതുരാജിനെയും ക്യാപ്റ്റന് സ്ഥാനത്തേക്ക് പരിഗണിക്കാന് താത്പ്പര്യമുണ്ട്. പക്ഷേ ഇതൊക്കെ ഹാര്ദിക്കിന്റെ ഫിറ്റ്നസ് പരിഗണിച്ചതിന് ശേഷമാകും.
യശ്വസി ജയ്സ്വാളും മലയാളി താരം സഞ്ജു സാംസണും അക്സര് പട്ടേലും ടീമിലേക്ക് മങ്ങിയെത്തിയേക്കും. വിവിഎസ് ലക്ഷ്മണ് ആകും പരിശീലകനായി എത്തുക. രാഹുല് ദ്രാവിഡിനും സപ്പോര്ട്ടിംഗ് സ്റ്റാഫിനും വിശ്രമം അനുവദിക്കുന്നതിനിടെ തുടര്ന്നാണ് ഇത്. നവംബര് 28ന് പരമ്പരയിലെ രണ്ടാം മത്സരം തിരുവനന്തപുരത്താണ് ഒരു മത്സരം.