തിരുവനന്തപുരം: ഡ്രൈ ഡേയിൽ അനധികൃതമായി മദ്യക്കച്ചവടം നടത്തിയ മധ്യവയസ്കൻ പിടിയിൽ. നിരവധി കേസുകളിൽ പ്രതിയും വള്ളക്കടവ് സ്വദേശിയുമായ റോഷി വർഗീസ് ആണ് പിടിയിലായത്. ഇയാളുടെ പക്കൽ നിന്നും 25 ലിറ്റർ വിദേശ മദ്യം എക്സൈസ് പിടികൂടിയതായി അറിയിച്ചു.
മദ്യശാലകൾക്ക് അടവുള്ള ദിവസങ്ങളിൽ ഇയാൾ വൻ തോതിൽ മദ്യവിൽപ്പന നടത്തുന്നുണ്ടെന്ന് എക്സൈസിന് ലഭിച്ച രഹസ്യ വിവരത്തെ തുടർന്ന് നടത്തിയ അന്വേഷണത്തിലാണ് വലിയതുറ ഭാഗത്ത് നിന്നും പ്രതി പിടിലായത്. വലിയ തുറ പള്ളിയിലുണ്ടായ അടിപിടി കേസിലും, ക്ഷേത്രത്തിലെ ഭണ്ഡാരപ്പെട്ടി കുത്തി തുറന്ന് പണം മോഷ്ടിച്ച കേസിലും ഇയാൾ പ്രതിയാണ്. കോടതി ജാമ്യത്തിലിരിക്കെയായിരുന്നു അനധികൃതമായി പ്രതി മദ്യവിൽപ്പന നടത്തിയത്. റോഷിയെ അറസ്റ്റ് ചെയ്തതായി അന്വേഷണ ഉദ്യോഗസ്ഥർ അറിയിച്ചു.
