നിസ്വാര്‍ത്ഥനും സ്വാര്‍ത്ഥനും തമ്മിലുള്ള വ്യത്യാസം ഇത്..! കോഹ്‌ലിയെ പിന്നില്‍ നിന്ന് കുത്തി സ്‌റ്റോക്‌സിനെ അഭിനന്ദിച്ച് ഹഫീസ്

നെതര്‍ലന്‍ഡിനെതിരെ സെഞ്ച്വറി നേടിയ ബെന്‍സ്റ്റോക്‌സിനെ അഭിനന്ദിക്കാന്‍ കോഹ്‌ലിയെ കുത്തിയ പാകിസ്താന്‍ മുന്‍ താരം മുഹമ്മദ് ഹഫീസിനെതിരെ വ്യാപക വിമര്‍ശനം. നേരത്തെ കോഹ്‌ലിയെ സ്വാര്‍ത്ഥനെന്ന് വിളിച്ച ഹഫീസിനെ ആരാധകര്‍ എയറിലാക്കിയിരുന്നു. ഇതിന് പിന്നാലെയാണ് പാക് താരം വീണ്ടും വാദങ്ങളുമായി രംഗത്തെത്തിയത്.

സ്വാര്‍ത്ഥത തെല്ലുമില്ലാതെ കളിയാണ് സ്റ്റോക്‌സ് കളിച്ചതെന്നും ടീമിന് പരമാവധി റണ്‍സ് നേടിക്കൊടുക്കുക മാത്രമാണ് സ്റ്റോക്‌സ് ലക്ഷ്യമിട്ടതെന്നും ഹഫീസ് ട്വീറ്റ് ചെയ്തു. നേരത്തെ കോഹ്‌ലി ടീമിന് വേണ്ടിയല്ല വ്യക്തഗതി നേട്ടങ്ങള്‍ക്ക് വേണ്ടിയാണ് കളിക്കുന്നതെന്ന് ഹഫീസ് പറഞ്ഞിരുന്നു.

”ആടിയുലഞ്ഞ കപ്പലിന്റെ കപ്പിത്താന്‍..!സമ്മര്‍ദത്തിലും നങ്കൂരമിട്ട് കളിച്ച് നേടിയ മികച്ച സെഞ്ച്വറി.അവസാനം ടീമിന്റെ വിജയത്തിനായി പരമാവധി റണ്‍സ് നേടുന്നതിന് വേണ്ടിയാണ് സ്റ്റോക്‌സ് കളിച്ചത്. നിസ്വാര്‍ത്ഥതയെും സ്വാര്‍ത്ഥതെയും വേര്‍തിരിക്കുന്നതിനുള്ള മികച്ച ഉദാഹരണം ആയിരുന്നു ഈ ഇന്നിങ്‌സ്”-ഹഫീസ് സോഷ്യല്‍ മീഡിയ പ്ലാറ്റ്ഫോമായ എക്സില്‍ കുറിച്ചു.

Saviour of the ship @benstokes38 😍👍🏼 Good 💯 under pressure anchoring the innings where required with aggressive intent to get Maximum runs for the team to win at the end. Sheer example to differentiate Selfish vs Selfless approach @MichaelVaughan #ENGvNED #CWC23 pic.twitter.com/ElNmyuK3jv

— Mohammad Hafeez (@MHafeez22) November 8, 2023

“>