ശ്രദ്ധിക്കുക: വാര മാസ ഫലങ്ങൾ ഗണിക്കുന്നത് പൊതുവെ ഉള്ള ഗ്രഹസ്ഥിതി അടിസ്ഥാനപ്പെടുത്തിയാണ്. ഇവിടെ പറയുന്നത് ഒരു പൊതു സൂചന മാത്രമായിരിക്കും. അവരവരുടെ ജന്മ ഗ്രഹനില അനുസരിച്ചു യോഗങ്ങളും ദശാപഹാരവും ഒക്കെകൂടി പരിഗണിച്ചാൽ ഈ പൊതു ഫലത്തിന് ഏറ്റ കുറച്ചിലുകൾ ഉണ്ടാകും. എന്നിരുന്നാലും ഈ പറയുന്ന പൊതുഫലത്തെ സൂചനയായി കണ്ടു, ജാതക നിരൂപണം നടത്തി, ദശാനാഥനെ പ്രീതിപ്പെടുത്തുകയും ഗ്രഹദോഷങ്ങൾ പരിഹരിക്കുകയും ചെയ്താൽ നല്ല സമയത്തിന്റെ ഗുണഫലങ്ങൾ അനുഭവത്തിൽ വരുത്തുവാനും, മോശം സമയം തരണം ചെയ്യുവാനും പ്രയോജനപ്പെടും.
മേടം രാശി: (അശ്വതി, ഭരണി, കാർത്തിക ആദ്യ 1/4 ഭാഗം)
തൊഴിൽപരമായി ബുദ്ധിമുട്ടുകൾ അനുഭവിച്ചവർക്കു ഈ വാരം മികച്ച ഫലങ്ങൾ ലഭിക്കും. കുടുംബാംഗങ്ങൾ ഒരുമിച്ചു ആഘോഷ വേളകളിൽ പങ്കെടുക്കുവാനുള്ള അവസരം വന്നുചേരും. ആരോഗ്യക്കുറവ് അനുഭവപ്പെടും. ശത്രുദോഷം, മനഃശാന്തിക്കുറവ് എന്നിവയ്‌ക്ക് സാധ്യതയുണ്ട്.
ഇടവം രാശി: (കാർത്തിക അവസാന 3/4 ഭാഗം, രോഹിണി, മകയിര്യം ആദ്യ 1/2 ഭാഗം)
സാമ്പത്തിക ഉന്നതി, ശത്രുഹാനി, ഭാഗ്യാനുഭവങ്ങൾ എന്നിവ വന്നുചേരും. കുടുംബത്തിൽ സമാധാനവും സന്തോഷവും നിലനിൽക്കും. അന്യദേശവാസം, ജോലി എന്നിവ ഉണ്ടാകുമെങ്കിലും ഒന്നിലും ഉയർച്ച ഉണ്ടാകാത്ത അവസ്ഥയായിരിക്കും.
മിഥുനം രാശി: (മകയിര്യം അവസാന 1/2 ഭാഗം, തിരുവാതിര, പുണർതം ആദ്യ 3/4 ഭാഗം)
സർക്കാർ ജോലിക്കു പരിശ്രമിക്കുന്നവർക്കു അർഹമായ ജോലി ലഭിക്കും. ബന്ധു ജനങ്ങളിൽ നിന്ന് ഗുണാനുഭവങ്ങൾ ഉണ്ടാകും. കീർത്തി, ഭക്ഷണ സുഖം, വാഹനഭാഗ്യം, പ്രശസ്തി, മനസ്സുഖം, സത് ഭാര്യ-ഭർത്തൃലബ്ധി എന്നിവ ഉണ്ടാകും. ഉദരരോഗം, ഗ്യാസ്ട്രബിൾ മറ്റു രോഗാധിദുരിതങ്ങൾ അലട്ടുവാൻ സാധ്യതയുണ്ട്.
കർക്കിടകം രാശി: (പുണർതം അവസാന 1/4 ഭാഗം, പൂയം, ആയില്യം)
കുടുംബബന്ധുജനങ്ങളുമായി അഭിപ്രായവ്യത്യാസം – കലഹം, കുടുംബ-ഭാര്യ-സന്താന സുഖക്കുറവ്, മനോദുഃഖം, ശരീരസുഖക്കുറവ് എന്നിവ അനുഭവപ്പെടും. വാഹനങ്ങൾ ഉപയോഗിക്കുന്നവർ വളരെയധികം സൂക്ഷിക്കുക. കടം കൊടുത്ത സംഖ്യ തിരിച്ചു കിട്ടുകയും, സാമ്പത്തികമായ പുതിയ സ്രോതസ്സുകൾ വന്നു ചേരുകയും ചെയ്യും.
ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)
ഉന്നതസ്ഥാനലബ്ധി, ധനലാഭം, വാഹനഭാഗ്യം എന്നിവ ഉണ്ടാകും. സഞ്ചാരശീലം വർധിക്കുകയും കുടുംബം വിട്ടു മാറി നിൽകേണ്ട അവസ്ഥയും ഉണ്ടാകും. അനാവശ്യമായി സുഹൃത്തുക്കളുമായോ, ബന്ധുജനങ്ങളുമായോ വാക്കു തർക്കത്തിൽ ഏർപ്പെടാൻ സാധ്യതയുണ്ട്. വാതരോഗം, അലർജി സംബന്ധമായ അസുഖമുള്ളവർ വളരെ സൂക്ഷിക്കുക.
കന്നി രാശി: (ഉത്രം അവസാന 3/4 ഭാഗം, അത്തം, ചിത്തിര ആദ്യ 1/2 ഭാഗം)
കോടതിപരമായ കേസ്സുകളിൽ വിജയം ഉണ്ടാകും. ബിസ്സിനസ്സ് ചെയ്‌യുന്നവർക്കു ധനനഷ്ടം സംഭവിക്കും. ഈശ്വരവിശ്വാസം വർധിക്കുന്നതരത്തിലുള്ള അനുഭവങ്ങൾ ജീവിതത്തിൽ ഉണ്ടാകും. നേത്രരോഗം, ജലഭയം, അപവാദം എന്നിവ ഉണ്ടാകും. മനഃസ്വസ്ഥത കുറയുകയും, ഉറക്കക്കുറവ് അനുഭവപ്പെടുകയും ചെയ്യും.
തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം)
വളരെക്കാലമായുണ്ടായിരുന്ന രോഗാദിദുരിതങ്ങൾക്കു ശമനമുണ്ടാകും. ഭക്ഷണസുഖം, നിദ്രാ സുഖം , ആടയാഭരണലബ്ധി, സമ്മാനങ്ങൾ എന്നിവ ലഭിക്കും. തൊഴിൽ ക്ലേശങ്ങൾ വർധിക്കുമെങ്കിലും ഈശ്വരാധീനംകൊണ്ടു പല ആപൽഘട്ടങ്ങളും തരണം ചെയ്യാൻ പറ്റും. ശത്രുഹാനി, വ്യവഹാരങ്ങളിൽ വിജയം എന്നിവ ഉണ്ടാകും.
വൃശ്ചികം രാശി: (വിശാഖം അവസാന 1/4 ഭാഗം, അനിഴം, തൃക്കേട്ട)
അനാവശ്യമായ കൂട്ടുകെട്ടുകൾ മാനഹാനി, ധനനഷ്ടം എന്നിവക്കു കാരണമാകും. വരവിൽക്കവിഞ്ഞ ചിലവ് കടബാധ്യതകൾക്കു ഇടയാകും. ഭാര്യ-ഭർത്തൃ ഐക്യം, സന്താനങ്ങളെ കൊണ്ടുള്ള ഗുണാനുഭവങ്ങൾ എന്നിവ അനുഭവപ്പെടും. മേലധികാരികളിൽനിന്ന് അപ്രീതി നേടുകയും, ജോലി നഷ്ട്ടപെടുവാനും സാധ്യതുണ്ട്.
ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
ബന്ധുജനസമാഗമം, ധനനേട്ടം, തൊഴിൽവിജയം, മനഃസന്തോഷം എന്നിവ ഉണ്ടാകും. ദീർഘകാലമായുണ്ടായിരുന്ന പ്രണയബന്ധത്തിനു കുടുംബാംഗങ്ങളിൽനിന്നു അനുകൂല നടപടി ഉണ്ടാകും. തൊഴിലിടങ്ങളിൽ സ്ഥാനക്കയറ്റം, സമ്മാനങ്ങൾ എന്നിവ ലഭിക്കും. അമിതആഡംബരപ്രിയത്വം ചിലവ് വർധിപ്പിക്കും.
മകരം രാശി: (ഉത്രാടം അവസാന 3/4 ഭാഗം, തിരുവോണം, ആദ്യ അവിട്ടം 1/2 ഭാഗം)
മനസ്സിൽ വിചാരിക്കുന്ന കാര്യങ്ങൾ നടക്കുന്ന സമയമാണ്. സർക്കാർ സംബന്ധമായ ഗുണാനുഭവങ്ങൾ വന്നുചേരും. കാര്യവിജയം, കീർത്തി, കുടുംബത്തിൽ മംഗളകർമ്മങ്ങൾ എന്നിവ നടക്കുവാൻ സാധ്യതയുണ്ട്.
കുംഭം രാശി: ( അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
ലോട്ടറി, നറുക്കെടുപ്പ് എന്നിവ വഴി ഭാഗ്യം വന്നുചേരും. സുഹൃത്തുക്കൾ തമ്മിലുള്ള അഭിപ്രായവ്യതാസം കേസുവഴക്കുകളിൽ കലാശിക്കുവാൻ സാധ്യതയുണ്ട്. ദഹനസമ്പന്ധമായ ബുദ്ധിമുട്ടുകൾ അനുഭവിക്കുന്നവർ ഭക്ഷണകാര്യങ്ങളിൽ വളരെയധികം സൂക്ഷിക്കേണ്ടതാണ്. കുടുംബത്തിൽ ആഹ്ളാദ അന്തരീക്ഷം സംജാതമാകും.
മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
അഭീഷ്ട ലാഭം, തൊഴിൽവിജയം എന്നിവ പ്രതീക്ഷിക്കാം. വളരെക്കാലമായി മനസ്സിൽ ആഗ്രഹിക്കുന്ന കാര്യങ്ങൾ നടക്കുന്ന സമയംകൂടിയാണ്. രോഗാദിദുരിതങ്ങൾ അലട്ടുകയും ആരോഗ്യക്കുറവ് അനുഭവപ്പെടുകയും ചെയ്യും. രാത്രികാലങ്ങളിൽ സഞ്ചരിക്കുമ്പോൾ വളരെ സൂക്ഷിക്കുക. വിഷഭയം ഏൽക്കുവാൻ സാധ്യതയുണ്ട്. ശത്രുദോഷം വരാതെ സൂക്ഷിക്കുക.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
