ജിയോ വരിക്കാരേ.. പുത്തൻ ‘രണ്ട്’ ഓഫറുണ്ടേ; പ്രീപെയ്ഡ് പ്ലാനിൽ ഇതാ​ദ്യം! ഉത്സവകാലം അടിപൊളിയാക്കാൻ കിടിലൻ ഓഫർ

പ്രീപെയ്ഡ് വരിക്കാർക്കായി പുത്തൻ പ്ലാനുമായി ജിയോ. സ്വിഗ്ഗി വൺ ലൈറ്റ് സബ്സ്‌ക്രിപ്ഷനോടുകൂടിയ പ്രീപെയ്ഡ് പ്ലാനുകളാണ് അവതരിപ്പിച്ചിരിക്കുന്നത്. അതായത്, ജിയോ-സ്വിഗ്ഗി ഫെസ്റ്റീവ് പ്രീപെയ്ഡ് പ്ലാൻ ഉപയോഗിച്ച് റീചാർജ് ചെയ്യുന്നവർക്ക് മൂന്ന് മാസത്തെ സ്വിഗ്ഗി വൺ ലൈറ്റ് സബ്സ്‌ക്രിപ്ഷൻ ലഭിക്കും. ടെലികോം പ്രീപെയ്ഡ് പ്ലാനിലൂടെ, സ്വിഗ്ഗി സബ്സ്‌ക്രിപ്ഷൻ ഉപയോക്താക്കൾക്ക് ഇതാദ്യമായാണ് ലഭിക്കുന്നത്.

866 രൂപയുടെ പ്ലാനിലാണ് ഇത്രയധികം ഓഫറുകൾ കമ്പനി നൽകുന്നത്. പ്രതിദിനം രണ്ട് ജിബി ഡാറ്റ, അൺലിമിറ്റഡ് വോയ്സ് കോൾ, അൺലിമിറ്റഡ് 5ജി ഡാറ്റ എന്നിവ 84 ദിവസത്തേക്ക് ലഭിക്കുന്നു. സ്വിഗ്ഗി വൺ ലൈറ്റ് സബ്സ്‌ക്രിപ്ഷൻ ഉള്ളതിനാൽ ഉപയോക്താക്കൾക്ക് ഭക്ഷണം, പലചരക്ക്, മറ്റ് സാധനങ്ങൾ എന്നിവയൊക്കെ സ്വിഗ്ഗി സൗജന്യമായി ഡെലിവറി ചെയ്യും. 149 രൂപയ്‌ക്ക് മുകളിലുള്ള സ്വിഗ്ഗി വൺ ലൈറ്റ് സബ്സ്‌ക്രിപ്ഷനും ലഭ്യമാകും.

149 രൂപയ്‌ക്ക് മുകളിലുള്ള 10 ഭക്ഷണ ഓർഡറുകൾക്കാണ് സൗജന്യ ഹോം ഡെലിവറിയുണ്ടാകുക. 199 രൂപയ്‌ക്ക് മുകളിലുള്ള 10 ഇൻസ്റ്റാ മാർട്ട് ഓർഡറുകൾക്ക് സൗജന്യ ഹോം ഡെലിവറി, ഭക്ഷണ ഇൻസ്റ്റാമാർട്ട് ഓർഡറുകൾക്ക് സർജ് ഫീ ഒഴിവാക്കൽ, സാധാരണ ഓഫറുകൾക്ക് പുറമെ 20,000-ലധികം റെസ്റ്റോറന്റുകളിൽ 30 ശതമാനം വരെ അധിക കിഴിവുകൾ, 60 രൂപയ്‌ക്ക് മുകളിലുള്ള ജീനി ഡെലിവറികൾക്ക് 10 ശതമാനം വരെ കിഴിവ് എന്നിവയും ഇതിൽ ഉൾപ്പെടുന്നു. ജിയോ-സ്വിഗ്ഗി ബണ്ടിൽഡ് പ്ലാൻ ഉപയോഗിച്ച് റീചാർജ് ചെയ്യുന്നവർക്ക് മൈ ജിയോ അക്കൗണ്ടിലേക്ക് 50 രൂപ ക്യാഷ്ബാക്കായും ലഭിക്കും.