സമൂഹ മാദ്ധ്യമ പ്ലാറ്റ്ഫോമായ ഫേസ്ബുക്ക് പണിമുടക്കി. ഇന്ത്യ ഉൾപ്പെടെ വിവിധ രാജ്യങ്ങളിൽ നിന്നുള്ള ഉപയോക്താക്കൾ പ്രതിസന്ധിയിലായി. ലോകമെമ്പാടുമുള്ള നിരവധി പേരാണ് #facebookdown എന്ന ഹാഷ്ടാഗോടെ എക്സിൽ (ട്വിറ്ററിൽ) ഇത് സംബന്ധിച്ച ട്വീറ്റുകൾ പങ്കുവെക്കുന്നത്.
കഴിഞ്ഞ കുറച്ച് മണിക്കൂറുകളായി ഫേസ്ബുക്കിൽ ‘ഇൻസഫിഷ്യന്റ് പെർമിഷൻ’ എന്ന കമാൻഡ് പോപ്പ് അപ്പ് ചെയ്യുന്നുണ്ട്. എങ്കിലും ഉപയോക്താക്കൾക്ക് പ്ലാറ്റ്ഫോം ഉപയോഗിക്കാൻ സാധിക്കുന്നുണ്ടായിരുന്നു. എന്നാൽ ഇപ്പോൾ ന്യൂസ് ഫീഡ് തന്നെ ലഭ്യമാകാത്ത അവസ്ഥയാണ്. മാത്രമല്ല വിവിധ പേജുകളും കാണാൻ കഴിയുന്നില്ല. This page ins’t available at the moment എന്ന സന്ദേശമാണ് സ്ക്രീനിൽ തെളിയുന്നത്.
ഫേസ്ബുക്കിന് തകരാർ സംഭവിച്ചതായി ഡൈൺ ഡിട്ടെക്ടറും സ്ഥിരീകരിച്ചു. അതേസമയം മൂന്ന് ആഴ്ച മുൻപും ഫേസ്ബുക്ക് പണിമുടക്കിയിരുന്നു. എന്നാൽ രണ്ട് മണിക്കൂറുകൾക്കകം തന്നെ മെറ്റ ആ തകരാർ പരിഹരിക്കുകയായിരുന്നു.
