ഫുട്ബോള് ലോകകപ്പ് യോഗ്യത റൗണ്ടില് കുവൈറ്റിനെ അവരുടെ നാട്ടില് അട്ടിമറിച്ച ഇന്ത്യന് സംഘത്തിന് ആശംസ പ്രവാഹം. ഒരു ഗോളിനായിരുന്നു ഇന്ത്യയുടെ ത്രസിപ്പിക്കുന്ന വിജയം. മന്വീര് സിംഗാണ് ഇന്ത്യക്കായി വലകുലുക്കിയത്. കുവൈറ്റിന്റെ ഹോം സ്റ്റേഡിയമായിരുന്നെങ്കിലും ഇന്ത്യക്ക് വലിയ രീതിയിലുള്ള പിന്തുണയാണ് ഗാലറിയില് നിന്ന് ലഭിച്ചത്.
ഇന്ത്യയുടെ അടുത്ത മത്സരം 21ന് ഖത്തറിനെതിരെ ഭുവനേശ്വറില് നടക്കും. ജയത്തോടെ ഏഷ്യന് യോഗ്യത രണ്ടാം റൗണ്ടിലെ എ ഗ്രൂപ്പില് ഇന്ത്യ 2-ാം സ്ഥാനത്തെത്തി. ഏഷ്യന് ചമ്പ്യന്മാരായ ഖത്തര് അഫ്ഗാനിസ്ഥാനെ 8-1 എന്ന സ്കോറിനാണ് തകര്ത്തത്.
60,000 ഇരിപ്പിടങ്ങളുള്ള ജാബര് അല് അഹമ്മദ് സ്റ്റേഡിയം ഇന്ത്യയുടെ ഹോം സ്റ്റേഡിയത്തിന് സമാനമായിരുന്നു. ഇന്ത്യയുടെ ഓരോ നീക്കങ്ങളും സ്റ്റേഡിയത്തില് ആര്പ്പുവിളികള് ഉയര്ന്നു.75ാം മിനിറ്റില് മന്വീര് സിങ്ങാണ് ആരവങ്ങള് ആദരവായി ഇന്ത്യയുടെ വിജയ ഗോള് നേടിയത്.ഈ വര്ഷം മൂന്നാം തവണയാണ് ഇരുടീമുകളും ഏറ്റുമുട്ടിയത്. സാഫ് കപ്പില് പെനാല്റ്റി ഷൂട്ടൗട്ടില് കുവൈറ്റിനെ തുരത്തി ഇന്ത്യ കിരീടം ഉയര്ത്തിയിരുന്നു.
🙏🙏🙏#KUWIND⚔️ #FIFAWorldCup 🏆 #BackTheBlue 💙 #BlueTigers 🐯 #IndianFootball ⚽ pic.twitter.com/zGYfNbe1zy
— Indian Football Team (@IndianFootball) November 16, 2023
“>