അമേരിക്കയില് അടുത്ത വര്ഷം നടക്കുന്ന കോപ്പ അമേരിക്കയോടെ ദേശീയ ടീമിലെ തന്റെ യാത്ര അവസാനിക്കുമെന്ന് അര്ജന്റീനയുടെ എക്കാലത്തെയും വിശ്വസ്ത താരമായ ഏയ്ഞ്ചല് ഡി മരിയ. 2026 ലോകകപ്പ് കളിക്കില്ലെന്നാണ് താരം നേരത്തെ വ്യക്തമാക്കിയിരുന്നെങ്കിലും. ഇപ്പോള് അതിന് കൃത്യമായ മറുപടി നല്കിയിരിക്കുകയാണ് 35-കാരനായ ബെന്ഫിക്ക താരം. ജൂണ് 20 മുതല് ജൂലൈ 14 വരെയാണ് കോപ്പ അമേരിക്ക ടൂര്ണമെന്റ്.
പ്രതിസന്ധി ഘട്ടത്തില് ടീം പതറിയപ്പോഴൊക്കെ അയാള് കാവൽ മാലാഖയായി അവതരിച്ചിരുന്നു. 2008ലാണ് ദേശീയ ടീമിനൊപ്പമുള്ള യാത്ര ആരംഭിക്കുന്നത്. 136 തവണ ആ നീല കുപ്പായം അണിഞ്ഞു. നാലു ലോകകപ്പുകളില് ബൂട്ടു കെട്ടി.ലോകകപ്പിലടക്കം അര്ജന്റീനക്കായി തുടര്ച്ചയായ മൂന്ന് ഫൈനലുകളില് ഡി മരിയ ഗോള് നേടിയിരുന്നു. കരിയറില് അര്ജന്റീനയ്ക്കായി 29 ഗോളുകള് നേടി.
കോപ്പ അമേരിക്കയില് അര്ജന്റീനയ്ക്ക് കിരീടം നേടി കൊടുക്കുന്നതില് നിര്ണായക പങ്ക് വഹിച്ചതും ഡി മരിയയാണ്. തുടര്ന്ന് നടന്ന ഫൈനലിസിമ ട്രോഫിയില് ഇറ്റലിക്കെതിരെയും ലക്ഷ്യംകണ്ടു. ഏറ്റവുമൊടുവില് ഖത്തര് ലോകകപ്പ് ഫൈനലില് ഡി മരിയ ഗോള് നേടിയപ്പോഴും ടീം കപ്പുയര്ത്തിയിരുന്നു.വികാരനിര്ഭരമായ കുറിപ്പ് പങ്കുവച്ചുകൊണ്ടാണ് താരം വിരമിക്കല് പ്രഖ്യാപനം ഔദ്യോഗികമാക്കിയത്. സഹതാരങ്ങള് മരിയക്ക് നന്ദി അറിയിച്ച് കമന്റുകള് ഇട്ടിട്ടുണ്ട്.
View this post on Instagram
“>
View this post on Instagram