മാറി വരുന്ന ജീവിത ശൈലികൾ മനുഷ്യരിൽ പല രോഗങ്ങളാണ് ഉണ്ടാക്കുന്നത്. പ്രഭാത ഭക്ഷണം ഒഴിവാക്കാൻ പാടില്ലെന്ന് പലരും പറയുന്നത് നാം കേട്ടിരിക്കുമല്ലോ? എന്നാൽ പ്രഭാത ഭക്ഷണം കഴിക്കുന്ന കാര്യത്തിലും ചിലത് ശ്രദ്ധിക്കാനുണ്ട്. രാവിലെ ഇനി പറയുന്ന ഭക്ഷണങ്ങൾ കഴിക്കുകയാണെങ്കിൽ അത് നിങ്ങളിൽ ക്യാൻസർ വരുത്താനുള്ള സാധ്യത ഏറെയാണെന്ന് പഠനങ്ങൾ പറയുന്നു.
സോസേജ്:
പുതുതലമുറക്കാരിൽ പൊതുവെ കണ്ടു വരുന്ന ശീലമാണ് ഫാസ്റ്റ്ഫുഡുകളുടെ അമിത ഉപയോഗം. കുറഞ്ഞ വിലയിൽ കൃത്രിമം നിറഞ്ഞ ഈ ഭക്ഷണങ്ങൾ കഴിക്കുന്നത് ആരോഗ്യത്തെ മോശമായി ബാധിക്കുന്നുവെന്ന് പഠനങ്ങൾ പറയുന്നു. ഇത്തരം ഭക്ഷണങ്ങളിലൊന്നാണ് സോസേജ്. ചുവന്ന മാംസങ്ങൾ അമിതമായി കഴിക്കുന്നതും വേണ്ടത്ര രീതിയിൽ പാചകം ചെയ്യാതെ കഴിക്കുന്നതും കുടൽ ക്യാൻസറിന് കാരണമാകുന്നുവെന്നാണ് പഠനങ്ങൾ പറയുന്നത്.
അൾട്രാ- പ്രോസസ്സഡ് ധാന്യങ്ങൾ
പാക്കറ്റുകളിൽ ദിവസങ്ങളോളമിരിക്കുന്ന ധാന്യങ്ങൾ പാചകം ചെയ്യാൻ വളരെ എളുപ്പമാണ്. ഇവ പകുതി പാചകം ചെയ്തവയായതിനാൽ തന്നെ നേരത്തെ വെള്ളത്തിലിട്ട് കുതിർത്തി വയ്ക്കേണ്ട കാര്യവുമില്ല. അതുകൊണ്ടു തന്നെ പലപ്പോഴും ഇത്തരം ഭക്ഷണങ്ങൾ സ്ഥിരമായി കഴിക്കാൻ തിരക്കേറിയ ജീവിതത്തിൽ നാം നിർബന്ധിതരാവാറുണ്ട്. എന്നാൽ ഇത്തരം ഭക്ഷണങ്ങളിൽ അടങ്ങിയിരിക്കുന്ന അക്രിലമൈഡ് എന്ന രാസവസ്തു ക്യാൻസർ ഉണ്ടാക്കുന്നതിന് കാരണമാകുന്നുവെന്ന് വിദഗ്ധർ പറയുന്നു.
ബ്രഡുകൾ
സമയം ലാഭിക്കാനായി പലപ്പോഴും നമ്മൾ പ്രഭാത ഭക്ഷണമായി കഴിക്കുന്ന ഒന്നാണ് ബ്രഡുകൾ. ധാരാളം ഈസ്റ്റ് അടങ്ങിയ ബ്രഡുകൾ, പിസ, ബർഗർ എന്നിവ കഴിക്കുന്നതും ശരീരത്തിന് ഹാനികരമാണ്.
