നാഗ്പൂർ: രാജ്യത്ത് ഉടൻ എഥനോൾ പമ്പുകൾ ആരംഭിക്കുമെന്ന് കേന്ദ്ര മന്ത്രി നിതിൻ ഗഡ്കരി. രാജ്യത്തെ പെട്രോൾ പമ്പുകളിൽ മാത്രമേ ഈ എത്തനോൾ പമ്പുകൾ സ്ഥാപിക്കൂവെന്നും നാഗ്പൂരിലെ അഗ്രോ വിഷൻ എക്‌സിബിഷന്റെ ഉദ്ഘാടന വേളയിൽ ഗഡ്കരി പറഞ്ഞു.
ഇന്ത്യൻ ഓയിലിന്റെ പെട്രോൾ പമ്പുകളിലാകും ആദ്യം എഥനോൾ പമ്പുകൾ ആരംഭിക്കുന്നത് . കർഷകരുടെ മക്കൾ മോട്ടോർ സൈക്കിളുകളും ഓട്ടോറിക്ഷകളും കാറുകളും ഓടിക്കുന്നത് പെട്രോളിലല്ല, എഥനോളിലായിരിക്കും . ബാബ രാംദേവ് നാഗ്പൂരിൽ ഒരു വലിയ ഓറഞ്ച് യൂണിറ്റ് സ്ഥാപിച്ചിട്ടുണ്ട്. അത് 2-3 മാസത്തിനുള്ളിൽ പ്രവർത്തനം ആരംഭിക്കും . ഈ യൂണിറ്റിൽ ചെറിയ ഓറഞ്ചിൽ നിന്ന് ജ്യൂസ് ഉത്പാദിപ്പിക്കുമെന്നും ഇത് ഓറഞ്ച് ഉത്പാദിപ്പിക്കുന്ന കർഷകർക്ക് നല്ല വില നൽകും .
മഴയിൽ ഹൈവേകൾ തകരാനും കുഴികൾ രൂപപ്പെടാനുമുള്ള സാധ്യത കണക്കിലെടുത്ത് എല്ലാ ദേശീയപാതകളിലും മന്ത്രാലയം സുരക്ഷാ ഓഡിറ്റ് നടത്തുന്നുണ്ട് . ദേശീയ പാതകൾ കുഴികളില്ലാത്തതാണെന്ന് ഉറപ്പാക്കും. ഈ പദ്ധതി വിജയിപ്പിക്കാൻ യുവ എഞ്ചിനീയർമാരെ ഉൾപ്പെടുത്തും. 1,46,000 കിലോമീറ്റർ നീളമുള്ള ദേശീയ പാത ശൃംഖലയുടെ ഭൂപടം മന്ത്രാലയം തയ്യാറാക്കിയിട്ടുണ്ടെന്നും അദ്ദേഹം പറഞ്ഞു.
