തിരുവനന്തപുരം: എബിവിപി 2023-2024 വർഷത്തെ സംസ്ഥാന ഭാരവാഹികളെ തിരഞ്ഞെടുത്തു. അദ്ധ്യക്ഷനായി ഡോ. വൈശാഖ് സദാശിവനും സെക്രട്ടറിയായി ഇ.യു. ഈശ്വരപ്രസാദുമാണ് തിരഞ്ഞെടുക്കപ്പെട്ടത്. ന്യൂഡൽഹിയിലെ ഇന്ദ്രപ്രസ്ഥത്തിൽ നടക്കുന്ന ദേശീയ സമ്മേളനത്തിൽ ഇരുവരും ചുമതലയേൽക്കും. സംഘടനാ തിരഞ്ഞെടുപ്പ് ഓഫീസർ ഡോ. നാഗലിംഗം തിരഞ്ഞെടുപ്പ് പ്രക്രിയയ്ക്ക് നേതൃത്വം നൽകി. പ്രധാനമന്ത്രി നരേന്ദ്രമോദി ഡിസംബർ 8ന് സമ്മേളനം ഉദ്ഘാടനം ചെയ്യും.
തിരുവനന്തപുരം ജില്ലയിലെ നെയ്യാറ്റിൻകര സ്വദേശിയായ ഡോ. വൈശാഖ് സദാശിവൻ കെമിസ്ട്രിയിൽ ഡോക്ടറേറ്റ് നേടിയിട്ടുണ്ട്. ആലപ്പുഴ സനാതന ധർമ്മ കോളേജിൽ രസതന്ത്ര വിഭാഗം അസിസ്റ്റന്റ് പ്രൊഫസറാണ്. 2005 മുതൽ വിദ്യാർത്ഥി പരിഷത്തിൽ പ്രവർത്തിക്കുന്നു. നിലവിൽ എബിവിപി സംസ്ഥാന ഉപാദ്ധ്യക്ഷനാണ്.
എറണാകുളം ജില്ലയിലെ കാലടി സ്വദേശിയാണ് ഇ.യു. ഈശ്വരപ്രസാദ്. കാലടി ശ്രീ ശങ്കരാചാര്യ സംസ്കൃത യൂണിവേഴ്സിറ്റിയിൽ നിന്നും എംഎസ്ഡബ്ല്യു പഠനം പൂർത്തിയാക്കി. നിലവിൽ എബിവിപി ദേശീയ നിർവാഹക സമിതി അംഗമായി പ്രവർത്തിക്കുന്നു.
