​ഗോതമ്പ് വേണ്ട, ആട്ടയും വേണ്ട; ഈ ഒറ്റ ഐറ്റം വെച്ച് കിടിലൻ വെറൈറ്റി പൂരി തയ്യാറാക്കാം; റെസിപ്പി ഇതാ

ചപ്പാത്തി പോലെ തന്നെ മലയാളിക്ക് പ്രിയപ്പെട്ടതാണ് പൂരിയും. രാവിലെ പൂരി മസാലയൊക്കെ ക‌ഴിച്ച് ഓഫീസിലും സ്കൂളിലുമൊക്കെ പോകുന്നവരാകും പലരും. പലരുടെയും ഇഷ്ട പ്രഭാത ഭക്ഷണം. ​ഗോതമ്പ് കൊണ്ടാണ് പൂരി ഉണ്ടാക്കുന്നതെന്ന് നമുക്ക് അറിയാം.

ഇനി അരിപ്പൊടി കൊണ്ട് പൂരിയെന്ന് തയ്യാറാക്കി നോക്കിയാലോ? കലോറിയുടെ ഉറവിടമാണ് പൂരി. അതിനാൽ തന്നെ സ്ഥിരമായി പൂരി കഴിക്കുന്നത് നല്ലതല്ലെന്നാണ് വിദ​ഗ്ധർ പറയുന്നത്.

ആവശ്യമായ ചേരുവകൾ:-
അരിപൊടി:- 2 കപ്പ്
പഞ്ചസാര:- 1 ടേബിൾസ്പൂൺ
ഉപ്പ്:- 3/4 ടീസ്പൂൺ
അയമോദകം / നല്ല ജീരകം : 1/4 ടീസ്പൂൺ
വെള്ളം

തയ്യാറാക്കുന്ന വിധം:-

രണ്ട് കപ്പ് അരിപൊടിയിലേക്ക് ഒരു ടേബിൾ സ്പൂൺ പഞ്ചസാര, 3/4 ടീസ്പൂൺ ഉപ്പ്, 1/4 ടീസ്പൂൺ അയമോദകമോ നല്ല ജീരകകമോ ചേർക്കുക. ഇതിലേക്ക് തിളച്ച വെള്ളം ഉപയോ​ഗിച്ച് കുഴച്ചെടുക്കാവുന്നതാണ്. ആദ്യം തവി കൊണ്ട് കുഴച്ച് ചൂടാറിയാൽ കൈ കൊണ്ട് കുഴച്ച് എടുക്കാം, ചപ്പാത്തി മാവിന്റെ പോലെ കുഴച്ച് സോഫ്റ്റ് ആക്കി എടുക്കാം. ഇത് ചെറിയ ഉരുളകൾ ആക്കി എടുക്കുക.

അരിപൊടി ചേർത്ത് ഓരോ ഉണ്ടകൾ പരത്തി എടുക്കാം. സാധാരണ പൂരി പരത്തും പോലെ തന്നെ പരത്തിയെടുക്കുക. ശേഷം ഒരു ചട്ടി അടുപ്പിൽ വെച്ച് എണ്ണ ഒഴിച്ച് ചൂടാക്കുക. പരത്തി വെച്ച പൂരി എണ്ണയിലേക്ക് ഇട്ട് മീഡിയം തീയിൽ പൊരിച്ചു എടുക്കാം.