‘ പ്രാണി ഒരു ഭീകര ജീവി’ ; എലിയെക്കാൾ മൂന്നിരട്ടി ഭാരമുള്ള പ്രാണി; അമ്പരന്ന് ശാസ്ത്രലോകം!

ജന്തുലോകത്തിലെ കൗതുകക്കാഴ്ചകൾ എന്നും മനുഷ്യരെ അമ്പരപ്പിക്കുന്നതാണ്. കുഞ്ഞനുറുമ്പ് മുതൽ ആനയും നീലത്തിമിംഗലവും ജിറാഫും തുടങ്ങി ഒട്ടനവധി ജീവജാലങ്ങൾ വിഹരിക്കുന്ന ഇടമാണിവിടം. വലിയ മൃഗങ്ങൾക്കിടയിൽ കുഞ്ഞന്മാരെ നാം അധികം ശ്രദ്ധിക്കാറില്ലെങ്കിലും ഒരു പ്രാണിയാണ് ഇപ്പോൾ സമൂഹ മാദ്ധ്യമങ്ങളിൽ ഇടം പിടിച്ചിരിക്കുന്നത്.

കാരറ്റ് കൈക്കൊണ്ട് കഴിക്കാൻ സാധിക്കുന്ന പ്രാണിയാണ് ഈ വൈറൽ താരം. പ്രാണി എന്നു പറയുമ്പോൾ ഇവൻ ചെറിയൊരു പ്രാണിയല്ല. ലോകത്തിലെ ഏറ്റവും ഭാരം കൂടിയ പ്രാണി എന്ന പേര് നേടിയിരിക്കുന്ന ‘ജെയ്ന്റ് വെറ്റ’  എന്ന പ്രാണി വർഗമാണിത്. 71 ഗ്രാമാണ് ഇവയുടെ ഭാരം.

The Giant Weta is the world’s heaviest insect which at 71g is three times that of a mouse

This one is eating a carrot

📸Mark Moffett pic.twitter.com/Tj8ORufDMk

— Science girl (@gunsnrosesgirl3) November 13, 2023

“>

സയൻസ് ഗേൾ എന്ന എക്‌സ് പേജിലൂടെയാണ് ഈ പ്രാണിയുടെ ചിത്രം പങ്കുവച്ചിരിക്കുന്നത്. ചിത്രത്തിൽ ഇവന്റെ വലിപ്പം കാണുമ്പോൾ ഭയം തോന്നുമെങ്കിലും ആളൊരു പാവമാണ്. മനുഷ്യന് അപകടകാരികളല്ല ഇവ. മറ്റു ചെറുപ്രാണികളും ഇലകളുമൊക്കെയാണ് ഇവയുടെ ഭക്ഷണം. ന്യൂസിലൻഡിലാണ് ഇവ കൂടുതലായി കാണപ്പെടുന്നത്. ഇവയ്‌ക്ക് 17 ഇഞ്ചിലധികം നീളമാണുള്ളത്. കൂടാതെ ഒരു എലിയെക്കാൾ മൂന്ന് ഇരട്ടി ഭാരവും ഇവയ്‌ക്കുണ്ടെന്നാണ് ഗവേഷകർ പറയുന്നത്. എന്നാൽ ഈ വർഗത്തിലുള്ള പ്രാണികൾ വംശനാശത്തിന്റെ വക്കിലാണ്. പൂച്ചകളുടെയും മറ്റു മൃഗങ്ങളുടെയും വേട്ടയാടലാണ് ഇവയെ വംശനാശത്തിന്റെ വക്കിലെത്തിച്ചിരിക്കുന്നത്. ഇവയെ സംരക്ഷിക്കാനുള്ള തയ്യാറെടുപ്പിലാണ് ഇപ്പോൾ ന്യൂസിലൻഡിലെ ഗവേഷകർ.