തീയേറ്ററുകളിൽ നിന്നും പ്രശംസകളും കയ്യടികളും ഏറ്റുവാങ്ങുകയാണ് വിക്കി കൗശൽ ചിത്രം സാം ബഹാദൂർ. ഫീൽഡ് മാർഷൽ സാം മനേക്ഷയുടെ ധീരതയും ത്യാഗവും വരച്ചു കാട്ടുന്ന ചിത്രമാണ് സാം ബഹാദൂർ. ചിത്രത്തിൽ അത്യുഗ്രൻ പ്രകടനവും അതിശയിപ്പിക്കുന്ന മേക്കോവറുമാണ് വിക്കി നടത്തിയിരിക്കുന്നത്. ഇതിനോടകം നിരവധി താരങ്ങളാണ് വിക്കിയുടെ പ്രകടനത്തെ അഭിനന്ദിച്ച് രംഗത്തെത്തിയിരിക്കുന്നത്.
Loved Sam Bahadur. A must watch film for all generations to know the history of our country, and to understand the courage and sacrifices made by Field Marshal Sam Manekshaw. Vicky Kaushal has acted so well that it feels like Sam Bahadur is right in front of us. pic.twitter.com/bTTiMrCB0R
— Sachin Tendulkar (@sachin_rt) December 3, 2023
ഇപ്പോഴിതാ ക്രിക്കറ്റ് ദൈവം സച്ചിൻ തെൻഡുൽക്കറിന്റെ വാക്കുകളാണ് ശ്രദ്ധേയമാകുന്നത്. സിനിമ കണ്ടതിന് ശേഷം വിക്കി കൗശിക്കിനെ അഭിനന്ദിച്ച് രംഗത്തെത്തിയിരിക്കുകയാണ് സച്ചിൻ. സമൂഹമാദ്ധ്യമമായ എകിസിൽ സച്ചിൻ പങ്കുവെച്ച കുറിപ്പ് ഇങ്ങനെ.. ‘ സാം ബഹാദൂറിനെ വളരെ ഇഷ്ടപ്പെട്ടു. നമ്മുടെ രാജ്യത്തിന്റെ ചരിത്രം അറിയാനും ഫീൽഡ് മാർഷൽ സാം മനേക്ഷയുടെ ധീരതയും ത്യാഗവും മനസ്സിലാക്കാനും എല്ലാ തലമുറകളും കണ്ടിരിക്കേണ്ട സിനിമ. സാം ബഹാദൂർ നമ്മുടെ മുൻപിൽ ഉണ്ടെന്ന് തോന്നിപ്പിക്കുന്ന തരത്തിലായിരുന്നു വിക്കി കൗശിക്കിന്റെ പ്രകടനം.
1971 ലെ ഇന്ത്യ-പാകിസ്താൻ യുദ്ധത്തിൽ ഇന്ത്യയെ വിജയത്തിലേക്ക് നയിച്ച തന്ത്രശാലിയായ സൈനികനാണ് സാം മനേക്ഷ്. 1973 ൽ അദ്ദേഹത്തിന് ഫീൽഡ് മാർഷൽ പദവി ലഭിച്ചു. മേഘ്ന ഗുൽസാർ സംവിധാനം ചെയ്യുന്ന ചിത്രത്തിലൂടെ അദ്ദേഹത്തിന്റെ കഥയാണ് അവതരിപ്പിക്കുന്നത്. ജയ് ഐ പട്ടേലാണ് സാം ബഹദൂറിന്റെ ഛായാഗ്രഹണം നിർവഹിച്ചിരിക്കുന്നത്. സംഗീത സംവിധാനം ശങ്കർ മഹാദേവൻ, ലോയ്, ഇഷാൻ എന്നിവരാണ്. ജസ്കരൻ സിംഗ് ഗാന്ധി, നീരജ് കബി, റിച്ചാർഡ്, എഡ്വാർഡ് രോഹൻ വർമ, ജെഫ്രീ, വികാസ് ഹൃത്വിക് തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ.