ആർട്ടിക്കിൾ 370 റദ്ദാക്കിയതിനെ ശരിവെച്ച സുപ്രീം കോടതി വിധി അഭിനന്ദാർഹമണെന്നും തീരുമാനത്തെ സ്വാഗതം ചെയ്യുന്നുവെന്നും രാഷ്ട്രീയ സ്വയം സേവക് സംഘം. സമൂഹമാദ്ധ്യമത്തിൽ പങ്കുവെച്ച പോസ്റ്റിലൂടെയാണ് ആർഎസ്എസ് പ്രതികരിച്ചത്. ആർഎസ്എസ് അഖില ഭാരതീയ പ്രചാർ പ്രമുഖ് സുനിൽ അംബേക്കറാണ് ഇത് സംബന്ധിച്ച് വാർത്താകുറിപ്പ് ഇറക്കിയത്.
The verdict of Supreme court to uphold the abrogation of Article 370 is appreciable. Rashtriya Swayamsevak Sangh welcomes this decision. Right from beginning RSS has opposed the imposition of Article 370 and put forth the same through several resolutions it has passed and active…
— RSS (@RSSorg) December 11, 2023
ആദ്യകാലം തുടക്കം മുതൽ തന്നെ ആർഎസ്എസ് ആർട്ടിക്കിൾ 370-നെ എതിർത്തിരുന്നു. ഇത് സംബന്ധിച്ച് നിരവധി പ്രമേയങ്ങൾ പാസാക്കിയിട്ടുണ്ട്. വിഷയത്തിൽ വിവിധ പ്രക്ഷോഭങ്ങളിലും പ്രതിഷേധങ്ങളിലും സംഘം പങ്കെടുത്തിട്ടുണ്ടെന്നും, ദേശീയ ഐക്യം ശക്തിപ്പെടുത്തുന്നതിന് ഈ തീരുമാനം വലിയ സംഭാവന നൽകും. ആർട്ടിക്കിൾ 370 കാരണം വർഷങ്ങളായി അവർ അനുഭവിച്ച അനീതിയിൽ നിന്ന് ജമ്മു കശ്മീരിലെ ജനങ്ങൾക്ക് ഒടുവിൽ സ്വാതന്ത്ര്യം ലഭിച്ചുവെന്നും ആർഎസ്എസ് പങ്കുവെച്ച പോസ്റ്റിൽ പറയുന്നു.
2019 ഓഗസ്റ്റ് 5-നാണ് ആർട്ടിക്കിൾ 370 റദ്ദാക്കി കേന്ദ്ര സർക്കാർ നിയമം കൊണ്ടുവന്നത്. കേന്ദ്രത്തിന്റെ നടപടിയെ എതിർത്ത് നിരവധി ഹർജികൾ സുപ്രീം കോടതിയിൽ സമർപ്പിച്ചിരുന്നെങ്കിലും സുപ്രീം കോടതി ഇതെല്ലാം നിരാകരിച്ചു. ജമ്മു കശ്മീർ ഇന്ത്യൻ ഭരണഘടനയ്ക്ക് കീഴിലാണെന്നും പ്രത്യേക പദവി അംഗീകരിക്കാനാകില്ലെന്നും ചീഫ് ജസ്റ്റിസ് ഡിവൈ ചന്ദ്രചൂഡ് അദ്ധ്യക്ഷനായ ഭരണഘടനാ ബെഞ്ച് വ്യക്തമാക്കുകയായിരുന്നു.
