ഈ വർഷം അവസാനത്തെ പോസ്റ്റ് ഓഫീസ് റിക്രൂട്ട്മെന്റിലേക്ക് ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. 1,899 തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. തപാൽ അസിസ്റ്റന്റ്, സോർട്ടിംഗ് അസിസ്റ്റന്റ്, പോസ്റ്റുമാൻ, മെയിൽ ഗാർഡ്, മൾട്ടി ടാസ്കിംഗ് സ്റ്റാഫ് എന്നീ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്.
ഓൺലൈൻ മുഖേനയാണ് അപേക്ഷ സമർപ്പിക്കേണ്ടത്. ജനറൽ വിഭാഗത്തിൽ ഉൾപ്പെടുന്നവർ അപേക്ഷാ ഫീസായി 80 രൂപ അടയ്ക്കണം. മറ്റ് വിഭാഗങ്ങളിലുള്ളവർ ഫീസ് അടയ്ക്കേണ്ടതില്ല. കമ്പ്യൂട്ടർ അധിഷ്ഠിത പരീക്ഷ, നൈപുണ്യ പരീക്ഷ, അഭിമുഖം എന്നിവയിലൂടെയാകും ഉദ്യോഗാർത്ഥികളെ തിരഞ്ഞെടുക്കുക.
യോഗ്യത മാനദണ്ഡങ്ങൾ
ഇന്ത്യൻ പൗരത്വമുള്ളവർക്ക് മാത്രമാണ് തസ്തികകളിലേക്ക് അപേക്ഷിക്കാനാകുക. 18-നും 25-നും ഇടയിൽ പ്രായമുള്ളവർക്ക് അപേക്ഷിക്കാവുന്നതാണ്. മെട്രിക്കുലേഷൻ യോഗ്യതയുണ്ടായിരിക്കണം. https://indiapost.gov.in/ എന്ന ഔദ്യോഗിക വെബ്സൈറ്റിലൂടെ അപേക്ഷ സമർപ്പിക്കാം.
അപേക്ഷിക്കേണ്ടതിങ്ങനെ..
- വെബ്സൈറ്റ് സന്ദർശിച്ച് റിക്രൂട്ട്മെന്റ് എന്ന ടാബിൽ ക്ലിക്ക് ചെയ്യുക
- പോസ്റ്റ് ഓഫീസ് റിക്രൂട്ട്മെന്റ് 2023 അറിയിപ്പ് എന്ന ഓപ്ഷൻ തിരഞ്ഞെടുക്കുക
- ഇതിൽ ലോഗിൻ ചെയ്യുക, ശേഷം ആവശ്യമായ രേഖകൾ സമർപ്പിച്ച് അപേക്ഷാ ഫീസ് ഓൺലൈനായി അടയ്ക്കുക.
- ശേഷം അപേക്ഷാ ഫോം സമർപ്പിക്കുക
അപേക്ഷകന് ആവശ്യമായ രേഖകൾ
- വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ
- അപേക്ഷകന്റെ പ്രായം തെളിയിക്കുന്ന സർട്ടിഫിക്കറ്റ്
- ജാതി സർട്ടിഫിക്കറ്റ്
- പാസ്പോർട്ട് സൈസ് ഫോട്ടോ
- ഒപ്പ്
തിരഞ്ഞെടുക്കപ്പെടുന്ന ഉദ്യോഗാർത്ഥികളെ പേ മാട്രിക്സിന്റെ ലെവൽ-3യിലാകും ഉൾപ്പെടുത്തുക. ആദ്യ ഘട്ടത്തിൽ പ്രതിമാസം 35,580 രൂപ ശമ്പളം ലഭിക്കും.
