വാഷിംഗ്ടൺ: ഭാരതത്തിന്റെ സ്വാശ്രയ കുതിപ്പുകൾ രാജ്യത്ത് മാത്രമല്ല, അങ്ങ് അമേരിക്കയിലും. മെയ്ക് ഇൻ ഇന്ത്യയുടെ ഭാഗമായി തദ്ദേശീയമായി നിർമ്മിച്ച സൈക്കിളുകൾ അമേരിക്കയിൽ ലഭ്യമായി തുടങ്ങിയതിന്റെ സന്തോഷവും അഭിമാനവും പങ്കുവെച്ചിരിക്കുകയാണ് അമേരിക്കയിലെ ഇന്ത്യൻ അംബാസഡർ തരൺജിത് സിംഗ് സന്ധു. ലോകത്ത് ഏറ്റവുമധികം ലാഭം കൊയ്യുന്ന കമ്പനിയായ വാൾമാർട്ട് ആണ് വിപണി കീഴടക്കനായി ഇന്ത്യൻ നിർമ്മിത സൈക്കിളുകൾ അവതരിപ്പിച്ചത്. സന്ധു ഇതിന്റെ ചിത്രങ്ങൾ എക്സിൽ പങ്കുവെച്ചിട്ടുണ്ട്.
Make in India, Make for the World!
Delighted to witness the launch of Walmart 🇺🇸 first made in 🇮🇳 bicycles, manufactured by #HeroCycles #Ludhiana. pic.twitter.com/DMYVpt46DF
— Taranjit Singh Sandhu (@SandhuTaranjitS) December 12, 2023
“>
Make in India, Make for the World!
Delighted to witness the launch of Walmart 🇺🇸 first made in 🇮🇳 bicycles, manufactured by #HeroCycles #Ludhiana. pic.twitter.com/DMYVpt46DF
— Taranjit Singh Sandhu (@SandhuTaranjitS) December 12, 2023
ക്രിസ്മസ് അവധിയോടനുബന്ധിച്ച് യുഎസ് വിപണിയിലെ തിരഞ്ഞെടുത്ത സ്റ്റോറുകളിൽ ഇന്ത്യൻ നിർമിത സൈക്കിളുകൾ വിൽപനയ്ക്ക് എത്തിക്കുമെന്ന് വാൾമാർട്ട് വ്യക്തമാക്കിയിട്ടുണ്ട്. 2027-ഓടെ കയറ്റുമതി 10 ബില്യൺ ഡോളറാക്കുകയാണ് വാൾട്ട്മാർട്ടിന്റെ ലക്ഷ്യമെന്നും കമ്പനി വ്യക്തമാക്കി.
ഇന്ത്യൻ സൈക്കിൾ നിർമ്മാതാക്കളായ ഹീറോ ഇക്കോടെകും വാൾമാർട്ടിന് വേണ്ടി കോൺകോർഡ് ബ്രാൻഡും സംയുക്തമായി “ക്രൂയിസർ-സ്റ്റൈൽ” സൈക്കിൾ രൂപകൽപന ചെയ്തിട്ടുണ്ട്. മുതിർന്നവർക്കും പുരുഷന്മാർക്കും സ്ത്രീകൾക്കും അനുയോജ്യമായ തരത്തിലുള്ള വലുപ്പത്തിൽ ഇത് ലഭ്യമാകും. വാൾമാർട്ട് യുഎസ് സ്റ്റോറുകളിൽ വിൽക്കുന്ന ക്രൂയിസറുകൾ നിർമ്മിക്കാൻ ഉപയോഗിച്ചിരിക്കുന്ന അസംസ്കൃത വസ്തുക്കളിൽ 90 ശതമാനം ഇന്ത്യയിൽ നിന്നാണ് ഇറക്കുമതി ചെയ്തിരിക്കുന്നത്. ഇന്ത്യൻ ഉത്പന്നങ്ങൾക്ക് അമേരിക്കയിൽ പ്രിയമേറുന്നുവെന്നും കമ്പനി പറഞ്ഞു. 2019-ലാണ് മേക്ക് ഇൻ ഇന്ത്യയെ പിന്തുണച്ച് വൃദ്ധി സംരംഭം വാൾട്ട്മാർട്ട് ആരംഭിച്ചത്. ഏകദേശം അരലക്ഷത്തോളം ചെറുകിട സംരംഭങ്ങളെയും വ്യവസായങ്ങളെയുമാണ് കമ്പനി പിന്തുണച്ചത്.
