ഏറെ ജനപ്രീതിയുള്ള നിക്ഷേപ പദ്ധതികളാണ് പോസ്റ്റ് ഓഫീസ് വഴി നൽകുന്നത്. പ്രയോജനകരവും ലാഭകരവുമായ നിക്ഷേപ സാധ്യതകളാണ് ഇത്തരം പദ്ധതികൾ ഉറപ്പ് നൽകുന്നത്. ഗ്രാമ പ്രദേശങ്ങളിലുള്ളവരാണ് അധികവും ഇത്തരം പോസ്റ്റ് ഓഫീസ് പദ്ധതികളിൽ ചേരുന്നത്. ഇത്തരത്തിൽ ഹിറ്റായ സ്കീം ആണ് റൂറൽ പോസ്റ്റൽ ലൈഫ് ഇൻഷുറൻസ് (ആർപിഎൽഐ) ഗ്രാം സുവിധ സ്കീം.
നിക്ഷേപം ആരംഭിച്ച് അഞ്ച് വർഷത്തിന് ശേഷം എൻഡോവ്മെന്റ് പ്ലാനാക്കി മാറ്റാൻ സാധിക്കുന്ന കൺവേർട്ടിബിൾ ഇൻഷുറൻസ് പോളിസിയാണിത്. ആറ് വർഷത്തിന് ശേഷം സമ്പൂർണ ലൈഫ് അഷ്വറൻസ് സ്കീം ആയി പ്രവർത്തിക്കും. പോളിസി മെച്യുരിറ്റി ആകുന്നതോടെ പോളിസി ഉടമയ്‌ക്ക് മെച്യൂരിറ്റിയുടെ ആനുകൂല്യം ലഭിക്കും. ഈ കാലയളവിൽ നിക്ഷേപകന് ഇൻഷുറൻസ് പരിരക്ഷയും ലഭ്യമാകും. പോളിസി കാലയളവിൽ അയാൾ മരണപ്പെട്ടാൽ ആനുകൂല്യം നോമിനിക്ക് ലഭിക്കും. പോളിസി ഉടമ മരിക്കുമ്പോൾ സം അഷ്വേർഡിന്റെയും ബോണസിന്റെയും മുഴുവൻ ആനുകൂല്യവും നോമിനിക്ക് ലഭിക്കുന്നു.
18 വയസാണ് ഗ്രാം സുവിധ സ്കീമിൽ നിക്ഷേപിക്കാനുള്ള കുറഞ്ഞ പ്രായപരിധി. 45 വയസാണ് ഉയർന്ന പ്രായപരിധി. ബോണസിന്റെ ആകെ തുക 12 ലക്ഷം രൂപയും സം അഷ്വേർഡ് തുക 5 ലക്ഷം രൂപയുമാണ്. ഇങ്ങനെ മൊത്തം തുക 17 ലക്ഷം രൂപയാകും. . 20 വയസ്സുള്ള ഒരാൾ 60 വർഷത്തിനുള്ളിൽ മെച്യൂരിറ്റി വരുന്ന തപാൽ ഓഫീസിന്റെ ആർപിഎൽഐ സ്കീമിന് കീഴിൽ കൺവേർട്ടിബിൾ ഹോൾ ലൈഫ് അഷ്വറൻസ് പോളിസിയിൽ 5 ലക്ഷം രൂപ അഷ്വേർഡ് തുക വാങ്ങുകയാണെങ്കിൽ അതിന്റെ പ്രതിദിന പ്രീമിയം ഏകദേശം 25 രൂപ ആയിരിക്കും. മെച്യൂരിറ്റി ആനുകൂല്യം 17 ലക്ഷം രൂപയായിരിക്കും.
