മൗ ; വയലിൽ ഉഴുന്നതിനിടെ കർഷകന് കിട്ടിയത് ലക്ഷ്മീദേവിയുടെ വെങ്കല വിഗ്രഹം . ഘോസിയിലെ മൊഹല്ല ബരാഗാവ് പ്രദേശത്താണ് സംഭവം . 52 കാരനായ ദളിത് കർഷകനായ രോഹിത് കുമാറിനാണ് വിഗ്രഹം ലഭിച്ചത് . വയലിൽ പണി ചെയ്യുന്നതിനിടെ പണിയായുധം എന്തിലോ തട്ടിയതായി തോന്നിയ രോഹിത് കുമാർ സ്ഥലത്ത് കുഴിച്ചു നോക്കുകയായിരുന്നു . തുടർന്നാണ് വിഗ്രഹം കണ്ടെത്തിയത് .
വിഗ്രഹം കണ്ടെത്തിയ വിവരം ഒപ്പമുണ്ടായിരുന്നവരെ അറിയിച്ചു. വിഗ്രഹത്തെക്കുറിച്ചുള്ള വാർത്തകൾ പരന്നതോടെ ഇത് കാണാൻ ജനക്കൂട്ടം തടിച്ചുകൂടി. കർഷകർ വിഗ്രഹം വീട്ടിലേക്ക് കൊണ്ടുപോയി പൂജിക്കാൻ തുടങ്ങി. ലക്ഷ്മീ വിഗ്രഹം കാണാൻ ആളുകളും വന്നു തുടങ്ങി. മുൻ കൗൺസിലറാണ് പോലീസിൽ വിവരം അറിയിച്ചത്. പോലീസ് സ്ഥലത്തെത്തി വിഗ്രഹം കർഷകനിൽ നിന്ന് വാങ്ങി പോലീസ് സ്റ്റേഷനിൽ സൂക്ഷിച്ചു.
വിഗ്രഹത്തിന് 20 ഇഞ്ച് ഉയരവും മൂന്ന് കിലോയോളം ഭാരവുമുണ്ടെന്ന് അന്വേഷണത്തിൽ വ്യക്തമായതായി ഘോഷി പോലീസ് സ്റ്റേഷൻ ഇൻചാർജ് രാജ്കുമാർ സിംഗ് പറഞ്ഞു. പിച്ചളയും അഷ്ടധാതുവും ചേർന്നതാണ് വിഗ്രഹം. വിഗ്രഹം ഏതെങ്കിലും ക്ഷേത്രത്തിന്റേതാണോ അല്ലയോ എന്ന് ഇതുവരെ അറിവായിട്ടില്ലെന്നും അദ്ദേഹം പറഞ്ഞു. അവകാശികൾ വന്നില്ലെങ്കിൽ പോലീസ് സ്റ്റേഷനിലെ ക്ഷേത്രത്തിൽ വിഗ്രഹം സ്ഥാപിച്ച് പൂജ നടത്തും.
