മോഹൻലാൽ ചിത്രമായ നേരിലൂടെ വീണ്ടും പ്രേക്ഷകരുടെ ഹൃദയത്തിൽ ഇടം പിടിച്ചിരിക്കുകയാണ് സംവിധായകൻ ജീത്തു ജോസഫ്. പ്രേക്ഷകർക്കിടയിൽ നേര് ചർച്ചയാകുമ്പോൾ മറ്റൊരു സന്തോഷ വാർത്ത പുറത്ത് വന്നിരിക്കുകയാണ്. ജിത്തു ജോസഫ് അവതരിപ്പിക്കുന്ന പുതിയ ചിത്രത്തിന്റെ ടൈറ്റിൽ അനൗൺസ്മെന്റ് പോസ്റ്റർ ജനുവരി 2ന് പുറത്തിറങ്ങും. ജീത്തു ജോസഫിന്റെ ചീഫ് അസോസിയേറ്റ് ആയിരുന്ന അര്ഫാസ് അയ്യൂബ് ആണ് ഈ ചിത്രത്തിന്റെ സംവിധായകന്.
മോഹൻലാൽ നായകനാകുന്ന ജീത്തു ജോസഫിന്റെ ചിത്രമായ റാമിന്റെ നിര്മ്മാതാവും അഭിഷേക് ഫിലിംസ് ഉടമയുമായ രമേഷ് പി പിള്ളയാണ് ഈ ചിത്രത്തിന്റെയും നിര്മ്മാണം. അദ്ദേഹത്തിന്റെ നിര്മ്മാണത്തില് റിലീസിന് എത്തുന്ന ആദ്യ മലയാളചിത്രം കൂടിയാണിത്.
ഗംഭീര താരനിര തന്നെയുണ്ടെന്നാണ് പുറത്തു വരുന്ന വിവരം. ദുൽഖര് സല്മാന് നായകനായ തെലുങ്ക് ഹിറ്റ് സീതാരാമത്തിന്റെ സംഗീതസംവിധായകന് ചന്ദ്രശേഖർ ആണ് ഈ മലയാള ചിത്രത്തിനുവേണ്ടി സംഗീതം ഒരുക്കുന്നത്.
