അർജന്റീന ഫുട്ബോൾ അസോസിയേഷൻ മെസിയുടെ പത്താം നമ്പർ ജഴ്സി പിൻവലിക്കുന്നു. ഇതിഹാസ താരം കളി മതിയാക്കിയ ശേഷം പിന്നീട് ആർക്കും 10-ാം നമ്പർ നൽകില്ല. വാർത്താ സമ്മേളനത്തിൽ ബോർഡ് പ്രസിഡന്റ് ക്ലൗഡിയോ ടാപ്പിയ ആണ് ഇക്കാര്യം വ്യക്തമാക്കിയത്. ‘മെസി ദേശീയ ടീമിൽ നിന്ന് വിരമിച്ച ശേഷം അദ്ദേഹത്തിന്റെ പത്താം നമ്പരും വിരമിക്കും. ഇതിഹാസ താരത്തിന് ആദരവ് നൽകാനാണ് ഈ തീരുമാനം. അദ്ദേഹത്തിനായി ഇത്രയുമെങ്കിലും ചെയ്യാനാവുന്നതിൽ സന്തോഷമുണ്ട്”- ക്ലൗഡിയോ വ്യക്തമാക്കി.
2002ൽ മറഡോണ വിരമിച്ചപ്പോൾ ഫുട്ബോൾ അസോസിയേഷൻ പത്താം നമ്പർ പിൻവലിക്കാൻ തീരുമാനിച്ചിരുന്നെങ്കിലും ഫിഫയുടെ നിയമങ്ങൾ വിലങ്ങ് തടിയായതോടെ തീരുമാനം പിൻവലിക്കുകയായിരുന്നു. 2022ൽ ലോകകപ്പ് നേടി ചരിത്രത്തിൽ ഇടംപിടിച്ച മെസി ദേശീയ ടീമിനായി ഇതുവരെ 180 തവണ കളത്തിലിറങ്ങിയപ്പോളഅ 106 തവണ എതിർവല ചലിപ്പിച്ചു.
2024 ജൂണിൽ നടക്കുന്ന കോപ്പ അമേരിക്കയിൽ താരം അർജന്റീനയ്ക്കായി കളത്തിലിറങ്ങുമെങ്കിലും 2026 ലോകകപ്പിൽ മെസി കളിക്കുമോ എന്ന കാര്യം ഉറപ്പില്ല. നേരത്തെ ബിസിസിഐ സച്ചിന്റെ പത്താം നമ്പരും ധോണിയുടെ ഏഴാം നമ്പരും അവരുടെ ആദര സൂചകമായി പിൻവലിച്ചിരുന്നു. ഇക്കാര്യം കളിക്കാരെ അറിയിക്കുകയും ചെയ്തു.
