തിരുവനന്തപുരം: കേരളാ പബ്ലിക് സർവ്വീസ് കമ്മീഷൻ (പി.എസ്.സി) വിവിധ തസ്തികകളിലേക്ക് അപേക്ഷ സമർപ്പിക്കാനുള്ള അവസാന തീയതി നീട്ടി. എൽഡി ക്ലർക്ക് അടക്കുമള്ള തസ്തികകളിലേക്ക് അപേക്ഷിക്കുന്നതിനുള്ള അവസാന തീയതിയാണ് പിഎസ്സി നീട്ടിയത്. അപേക്ഷ സമർപ്പിക്കാനുള്ള സമയം ഇന്ന് അവസാനിക്കാനിരിക്കെയാണ് രണ്ട് ദിവസത്തേക്ക് കൂടി നീട്ടിയതായി പിഎസ് സി അറിയിച്ചത്. ഈ തസ്തികകളിലേക്ക് ജനുവരി അഞ്ചിന് രാത്രി 12 മണി വരെ അപേക്ഷിക്കാമെന്നാണ് പിഎസ്സി അറിയിച്ചിരിക്കുന്നത്.
