തിരുവനന്തപുരം: മുഖ്യമന്ത്രി പിണറായി വിജയനെ സൂര്യനോട് ഉപമിച്ച് സിപിഎം സംസ്ഥാന സെക്രട്ടറി എം.വി ഗോവിന്ദന്. മുഖ്യമന്ത്രി പിണറായി വിജയന് സൂര്യനെ പോലെയാണെന്നും അടുത്തുപോയാല് കരിഞ്ഞുപോകുമെന്നും എംവി ഗോവിന്ദന് പറഞ്ഞു. കറ പുരളാത്ത കൈയാണ് മുഖ്യമന്ത്രിയുടേത്. അദ്ദേഹം പുലര്ത്തുന്നത് സംശുദ്ധ രാഷ്ട്രീയമാണെന്നും
ഗോവിന്ദന് തലസ്ഥാനത്ത് നടത്തിയ വാര്ത്ത സമ്മേളനത്തില് പറഞ്ഞു.
സ്ത്രീ ശാക്തീകരണത്തിന്റെ കേരള മോഡല് കുടുംബശ്രീയാണ്. സ്ത്രീ ശാക്തീകരണ ചരിത്രത്തില് നിന്ന് ബോധപൂര്വ്വം ചില പേരുകള് പ്രധാനമന്ത്രി മോദി ഒഴിവാക്കി. സ്വര്ണക്കടത്ത് കേസിന്റെ പ്രധാന ഉത്തരവാദിത്തം പ്രധാനമന്ത്രിക്കും കേന്ദ്രത്തിനുമാണ്. വലിയ പ്രചാരവേലയ്ക്ക് തുടക്കം കുറിക്കുന്നുവെന്ന് മാത്രമേയുള്ളൂ. സ്വര്ണക്കത്ത് വസ്തുതാപരമായി അന്വേഷിക്കണം. വനിതാ സംവരണം വോട്ട് തട്ടുന്നതിനുള്ള തന്ത്രങ്ങളാണ്, അതിനുള്ള കാര്യങ്ങള് ബിജെപി ചെയ്യുകയാണ്. വനിതാ സംവരണ ബില്ലൊക്കെ അതിന്റെ ഭാഗമാണെന്നും ഗോവിന്ദന് പറഞ്ഞു.