ചരിത്രം കൊണ്ടും ആത്മീയത കൊണ്ടും തീർത്ഥാടകരെയും പര്യവേക്ഷകരെയും ആകർഷിക്കുന്ന അയോദ്ധ്യ ലോക പ്രശസ്തമാണ്. ലോകമെമ്പാടും രാമക്ഷേത്ര പ്രതിഷ്ഠാ ദിനത്തിനായി കാത്തിരിക്കുകയാണ്. ലക്ഷക്കണക്കിന് ആളുകളാകും ശ്രീരാമ ഭഗവാനെ ഒരു നോക്ക് കാണാനായി എത്താൻ ഒരുങ്ങുന്നത്. ഉത്തർപ്രദേശിന്റെ ഹൃദയമായ അയോദ്ധ്യയിൽ എങ്ങനെ എത്തിച്ചേരാമെന്ന് പലർക്കും സംശയമുണ്ടായിരിക്കാം. എന്നാൽ അതിനുള്ള പരിഹാരം ഇവിടുണ്ട്.
ട്രെയിൻ, ബസ്, വിമാനം എന്നീ മാർഗങ്ങളിലൂടെ ശ്രീരാമന്റെ മണ്ണിലെത്തി ചേരാവുന്നതാണ്. അയോദ്ധ്യ റെയിൽവേ സ്റ്റേഷനാണ് പ്രധാനമായും സഞ്ചാരികതളെത്തുന്ന ഇടം. ലക്നൗ, ഡൽഹി, അലഹബാദ്, വാരണാസി, ഗോരഖ്പൂർ എന്നിവിടങ്ങളിൽ നിന്ന് നേരിട്ടുള്ള ട്രെയിനുകൾ അയോദ്ധ്യയിലേക്ക് സർവീസ് നടത്തുന്നു. വളരെ എളുപ്പത്തിൽ എത്തിച്ചേരാൻ ട്രെയിൻ ഗതാഗതം സഹായിക്കുന്നു. ടിക്കറ്റുകൾ ഓൺലൈനായി ബുക്ക് ചെയ്തും യാത്ര ആസ്വദിക്കാവുന്നതാണ്.
ഡൽഹിയിൽ നിന്ന് അയോദ്ധ്യയിലേക്ക്
വന്ദേ ഭാരത് എക്സ്പ്രസ്:– (ആനന്ദ് വിഹാർ ടെർമിനൽ – അയോദ്ധ്യ കാന്ത്). ഏഴ് മണിക്കൂറിൽ താഴെ സമയമാണ് അയോദ്ധ്യയിലെത്താൻ എടുക്കുക.
കൈഫിയാത്ത് എക്സ്പ്രസ്:- സുഖപ്രദമായ സ്ലീപ്പർ ബെർത്തുകളാണ് ട്രെയിൻ വാഗ്ദാനം ചെയ്യുന്നത്.
ഫറാക്ക എക്സ്പ്രസ്:- ഞായർ, ചൊവ്വ, വ്യാഴം, വെള്ളി ദിവസങ്ങളിലാണ് സർവീസ് നടത്തുന്നത്.
ലക്നൗവിൽ നിന്ന് അയോദ്ധ്യയിലേക്ക്
ഏകദേശം മൂന്ന് മുതൽ നാല് മണിക്കൂർ വരെ ട്രെയിൻ യാത്രയാണ് ലക്നൗ മുതൽ അയോദ്ധ്യ വരെയുള്ളത്. എല്ലാ ദിവസവും നിശ്ചിത ഇടവേളയിൽ ട്രെയിൻ സർവീസ് നടത്തുന്നു.
വാരണാസിയിൽ നിന്ന് അയോദ്ധ്യയിലേക്ക്
എട്ട് മുതൽ 10 മണിക്കൂർ യാത്രയാണ് ഈ റൂട്ടിലുള്ളത്. രാത്രി സർവീസാണ് ഈ റൂട്ടിൽ അധികവുമുള്ളത്. ചില പ്രധാന ട്രെയിനുകൾ ഇവയാണ്
3.5 മണിക്കൂറിനുള്ളിൽ അയോദ്ധ്യയിലെത്താൻ കഴിയുന്ന ജമ്മു താവി എക്സ്പ്രസിൽ കയറാം. 4.5 മണിക്കൂറിനുള്ളിലെത്താനായി ഗംഗാ സത്ലജ് എക്സ്പ്രസ്, മൂന്ന് മണിക്കൂർ 21 മിനിറ്റിനുള്ളിൽ എത്താനായി ഡൂൺ എക്സ്പ്രസ്, അഹമ്മദാബാദ് സബർമതി എക്സ്പ്രസ് എന്നിവയെ ആശ്രയിക്കാവുന്നതാണ്. വാരാണസിയിൽ നിന്ന് 3.5 മണിക്കൂറിനുള്ളിൽ ഈ എക്സ്പ്രസ് അയോദ്ധ്യയിലെത്തും. ഞായർ, ചൊവ്വ, വ്യാഴം, വെള്ളി ദിവസങ്ങളിലാണ് സർവീസ് നടത്തുന്നത്. അലഹബാദ്, കാൺപൂർ, പട്ന, ഗോരഖ്പൂർ തുടങ്ങിയ നഗരങ്ങളിൽ നിന്നും അയോദ്ധ്യയിലെത്താനായി നേരിട്ടുള്ള ട്രെയിനുകൾ ഉണ്ട്. ഇന്ത്യൻ റെയിൽവേയുടെ ഔദ്യോഗിക വെബ്സൈറ്റ് വഴി ട്രെയിൻ സമയം അറിയാനും ബുക്ക് ചെയ്യാൻ സാധിക്കും.
വിമാന മാർഗം
അയോദ്ധ്യ വാൽമീകി അന്താരാഷ്ട്ര വിമാനത്താവളമാണ് പ്രധാന വിമാനത്താവളം. എന്നിരുന്നാലും ലക്നൗവിലെ ചൗധരി ചരൺ സിംഗ് വിമാനത്താവളം പ്രാഥമിക എയർ ഗേറ്റ്വേ ആയി പ്രവർത്തിക്കുന്നു. 130 കിലോമീറ്റർ അകലെയുള്ള അയോദ്ധ്യയിലേക്ക് യാത്രക്കാർക്ക് റോഡ് മാർഗം എത്തിച്ചേരാവുന്നതാണ്.
അന്താരാഷ്ട്ര യാത്രക്കാർക്ക് ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളം, മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം എന്നിവടങ്ങളിൽ എത്തിച്ചേരാവുന്നതാണ്. തുടർന്ന് ആഭ്യന്തര വിമാനങ്ങളിലോ ട്രെയിനുകളിലോ അയോദ്ധ്യയിലെത്താം.
റോഡ് മാർഗം
ഉത്തർപ്രദേശ് സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (UPSRTC) ബസുകൾ സംസ്ഥാനമൊട്ടാകെ സർവീസ് നടത്തുന്നുണ്ട്. അയോദ്ധ്യക്കും സമീപ നഗരങ്ങളായ ലക്നൗ, ഫൈസാബാദ്, ഗോരഖ്പൂർ എന്നിവിടങ്ങളിലേക്കും സർവീസ് നടത്തുന്നു. സ്വകാര്യ ബസുകളും സർവീസ് നടത്തുന്നുണ്ട്.