സ്വന്തം സഹോദരൻ ആരാണെന്ന് പാർവ്വതിയോട് ചോദിച്ചാൽ സുരേഷ് ഗോപി എന്നായിരിക്കും ഉത്തരമെന്ന് നടൻ ജയറാം. മുൻപ് സുരേഷ് ഗോപിയെ അനുകരിച്ചത് അദ്ദേഹത്തിന്റെ സമ്മതം ചോദിച്ചിട്ടാണെന്നും ജയാറാം പറഞ്ഞു. താരത്തിന്റെ പുതിയ ചിത്രത്തിൽ അതിഥി വേഷത്തിൽ മമ്മൂട്ടിയും എത്തുന്നുണ്ടെന്ന സൂചനകളുണ്ടായിരുന്നു. ഇതിനെക്കുറിച്ചും നടൻ പറയുന്നുണ്ട്. പുതിയ ചിത്രമായ അബ്രഹാം ഓസ്ലറിന്റെ പ്രമോഷനുമായി ബന്ധപ്പെട്ട് അഭിമുഖത്തിൽ സംസാരിക്കുകയായിരുന്നു ജയറാം.
‘ഇൻസ്റ്റഗ്രാമിനെക്കുറിച്ചൊന്നും എനിക്കറിയില്ല. എല്ലാം മകൻ കാളിദാസനാണ് നോക്കുന്നത്. ഇത്, പുതിയ കാലമല്ലേ… എല്ലായിടത്തും നമ്മളും എത്തണമല്ലോ. സുരേഷ് ഗോപിയെ അനുകരിച്ചതൊക്കെ സമ്മതം ചോദിച്ചതിന് ശേഷം മാത്രമായിരുന്നു. സഹോദരനെപ്പോലെയാണ് എനിക്ക് സുരേഷ്. എന്റെ ഭാര്യ അശ്വതിയോട് സ്വന്തം സഹോദരൻ ആരാണെന്നു ചോദിച്ചാൽ സുരേഷ് ഗോപി എന്നാവും ഉത്തരം.
ഈ സിനിമയിൽ മമ്മൂട്ടിയുണ്ടോയെന്ന് എനിക്കറിയില്ല. ഞാൻ 54 ദിവസം സെറ്റിൽ ഉണ്ടായിരുന്നു. അത്രയും ദിവസം മമ്മൂക്കയെ ഞാൻ സെറ്റിൽ കണ്ടിട്ടില്ല.’- ജയറാം പറഞ്ഞു.