കോട്ടയം: പ്രായഭേദമന്യ രാഷ്‌ട്രം രാമന്റെ വരവിനായി കാത്തിരിക്കുകയാണ്. രാമനെ വരവേൽക്കാൻ ബാലഗോകുലങ്ങളും സജ്ജമായി കഴിഞ്ഞു. പാലാ ഇടമറ്റത്ത് അയോദ്ധ്യയിൽ പൂജിച്ച അക്ഷതവുമായി വീടുകളിൽ എത്തുന്നത് അമ്പാടി ബാലഗോകുലമാണ്. അക്ഷത സമർപ്പണത്തിനായി ഭഗവാൻ ശ്രീരാമനെ തന്നെ നേരിട്ടെത്തിക്കുകയാണ് അമ്പാടി ബാലഗോകുലം.
7-ാം ക്ലാസുകാരി വൈഗയാണ് ഭഗവാന്റെ വേഷത്തിൽ ജനങ്ങൾക്ക് മുന്നിൽ എത്തിയത്. ഇതോടെ ഇഷ്ടദേവനെ നേരിട്ടുകാണാനായതിന്റെ സന്തോഷത്തിലാണ് ജനങ്ങൾ. രാമഭജനകൾ ആലപിച്ചെത്തിയ സംഘത്തെ ജനങ്ങൾ ഭക്ത്യാദരപൂർവ്വമാണ് സ്വീകരിച്ചത്. നിരവധി കുട്ടികളടങ്ങുന്ന സംഘം ഇരുട്ടുന്നതിന് മുൻപായി മുപ്പത്തിയഞ്ചിനടത്ത് വീടുകൾ അക്ഷതം എത്തിച്ചു.
