കോഴിക്കോട്/ എറണാകുളം: നെടുമ്പാശേരി, കരിപ്പൂർ വിമാനത്താവളങ്ങളിൽ വൻ സ്വർണവേട്ട. കോടികൾ വിലമതിക്കുന്ന സ്വർണമാണ് രണ്ട് വിമാനത്താവളങ്ങളിൽ നിന്നായി കസ്റ്റംസ് പിടിച്ചെടുത്തത്. കരിപ്പൂരിൽ വിമാനത്തിന്റെ ശുചിമുറിയിൽ നിന്നും രണ്ട് കോടി രൂപയുടെ സ്വർണം കണ്ടെത്തി. ദുബായിൽ നിന്നു വന്ന ഇൻഡിഗോ വിമാനത്തിന്റെ ശുചിമുറിയിലാണ് സ്വർണം ഒളിപ്പിച്ചിരുന്നത്.
നെടുമ്പാശേരിയിൽ വിമാനത്താവളത്തിൽ വന്നിറങ്ങിയ മൂന്ന് യാത്രക്കാരിൽ നിന്നാണ് സ്വർണം പിടികൂടിയത്. രണ്ട് യാത്രക്കാരിൽ നിന്നായി ഒന്നേകാൽ കിലോയും മറ്റൊരു വിദേശിയിൽ നിന്നും 472 ഗ്രാം സ്വർണവും പിടികൂടി. സംഭവത്തിൽ കസ്റ്റംസ് അന്വേഷണം ആരംഭിച്ചു.
