തെന്നിന്ത്യൻ സിനിമാ ലോകത്ത് ചുരുങ്ങിയ നാളുകൾ കൊണ്ട് ശ്രദ്ധ നേടിയ സ്റ്റണ്ട് മാസ്റ്റേഴ്സായിരുന്നു അൻപറിവ്. സഹോദരങ്ങളായ ഇരുവരും സംവിധാനത്തിലേക്ക് ചുവടുവെക്കാൻ ഒരുങ്ങുകയാണ്. ചിത്രത്തിൽ കമൽഹാസനാണ് നായകനായെത്തുന്നത്. പുതിയ ചത്രത്തെക്കുറിച്ചുള്ള വിവരം കമൽഹാസനാണ് എക്സിലൂടെ പങ്കുവച്ചിരിക്കുന്നത്.
കമൽഹാസന്റെ 237-ാമത്തെ സിനിമയാണെന്ന വിവരം പങ്കുവച്ചുകൊണ്ടാണ് അനൗൺസ്മെന്റ് ടീസർ പങ്കുവച്ചിരിക്കുന്നത്. കുറച്ചുകാലമായി അൻപറിവിന്റെ സംവിധാനത്തിൽ സിനിമ ഇറങ്ങുമെന്ന വാർത്തകൾ പ്രചരിക്കുന്നുണ്ട്. എന്നാൽ, നായകനായി കമൽഹാസനെത്തുന്നത് ആരാധകരെ ആവേശത്തിലാഴ്ത്തിയിരിക്കുകയാണ്. ചിത്രം മാസ് ആക്ഷൻ ആയിരിക്കുമെന്നാണ് സൂചന. രാജ്കുമാർ ഫിലിംസിന്റെ ബാനറിൽ കമൽഹാസനും മഹേന്ദ്രനും ചേർന്നാണ് ചിത്രത്തിന്റെ നിർമ്മാണം.
2012-ൽ പുറത്തിറങ്ങിയ മലയാള ചിത്രം ബാച്ചിലര് പാര്ട്ടിയായിരുന്നു അൻപറിവ് സഹോദരങ്ങളുടെ ആദ്യ സ്റ്റണ്ട് കൊറിയോഗ്രഫി. പിന്നീട് കെജിഎഫ്, കൈതി, ഡോക്ടര്, ബീസ്റ്റ്, ലിയോ, ആര്ഡിഎക്സ്, സലാര്, വിക്രം എന്നീ ചിത്രങ്ങളിലൂടെയാണ് തെന്നിന്ത്യൻ സിനിമാ ലോകത്ത് പ്രശസ്തരായത്.
പ്രഭാസ് ചിത്രം കല്ക്കി 2829, കമല് ഹാസന് ചിത്രങ്ങളായ ഇന്ത്യന് 2, തഗ് ലൈഫ്, രജിനികാന്ത് ചിത്രം വേട്ടയന്, രാം ചരണ് ചിത്രം ഗെയിം ചെയ്ഞ്ചര് എന്നിവയാണ് അന്പറിവ് മാസ്റ്റേഴ്സിന്റെ പുതിയ പ്രൊജക്ടുകൾ.
