സോഷ്യൽ മീഡിയ താരം പേളി മാണി- ശ്രീനീഷ് അരവിന്ദ് ദമ്പതികൾക്ക് പെൺകുഞ്ഞ് ജനിച്ചു. ശ്രീനീഷാണ് ഇക്കാര്യം സമൂഹമാദ്ധ്യമത്തിലൂടെ പങ്കുവച്ചത്. തങ്ങൾക്ക് പെൺകുഞ്ഞ് ജനിച്ചുവെന്നും പേളിയും കുഞ്ഞും സുഖമായും ആരോഗ്യകരമായും ഇരിക്കുന്നുണ്ടെന്നും ശ്രീനീഷ് ഇൻസ്റ്റഗ്രാമിൽ കുറിച്ചു. നിങ്ങളുടെ സ്നേഹത്തിനും പ്രാർത്ഥനകൾക്കും എല്ലാവർക്കും നന്ദിയെന്ന അടിക്കുറിപ്പോടെ ‘ഇറ്റസ് എ ഗേൾ’ എന്ന ചിത്രം പങ്കുവച്ചുകൊണ്ടാണ് ശ്രീനീഷ് ഇൻസ്റ്റഗ്രാമിൽ കുറിച്ചത്.
View this post on Instagram
മലയാളികളുടെ പ്രിയ താര ജോഡിയാണ് പേളിയും ശ്രീനിഷും. ഇരുവരുടെ കുടുംബ വിശേഷങ്ങളും ചിത്രങ്ങളും എപ്പോഴും സമൂഹമാദ്ധ്യമ ലോകത്ത് വലിയ ജനശ്രദ്ധ നേടാറുണ്ട്. ഇവരുടെ ആദ്യത്തെ മകൾ നിലയുടെ ജനനശേഷം കുഞ്ഞിന്റെ വിശേഷങ്ങളായിരുന്നു സമൂഹമാദ്ധ്യമങ്ങളിൽ പേളി കൂടുതലും പങ്കുവച്ചിരുന്നത്.
ഏതാനും മാസങ്ങൾക്ക് മുമ്പാണ് രണ്ടാമതും താൻ അമ്മയാകാൻ പോകുന്നുവെന്ന വിവരം പേളി വെളിപ്പെടുത്തിയത്. തുടർന്ന് നടന്ന എല്ലാ ചടങ്ങുകളുടെയും ആഘോഷങ്ങളുടെയും ചിത്രങ്ങൾ പേളി സമൂഹമാദ്ധ്യമങ്ങളിൽ പങ്കുവച്ചിരുന്നു.
