ന്യൂഡൽഹി: പ്രധാനമന്ത്രി ജൻ മൻ പദ്ധതിയുടെ ഭാഗമായി രാജ്യത്തെ ഒരു ലക്ഷം വനവാസികൾക്ക് ആദ്യ ഗഡു പ്രധാനമന്ത്രി ഇന്ന് കൈമാറും. ഇന്ന് ഉച്ചയോടെ വീഡിയോ കോൺഫറൻസിംഗ് വഴിയാകും തുക കൈമാറുക. പിഎം ജൻ മൻ ഗുണഭോക്താക്കളുമായി പ്രധാനമന്ത്രി സംവദിക്കുകയും ചെയ്യും.
സമൂഹത്തിന്റെ താഴെ തട്ടിലുള്ളതും പാർശ്വവത്കരിപ്പെട്ടവരുമായ ഗോത്രവർഗ വിഭാഗങ്ങളുടെ ഉന്നമനം ലക്ഷ്യമിട്ടാണ് പിഎം-ജൻമൻ പദ്ധതി കേന്ദ്ര സർക്കാർ ആവിഷ്കരിച്ചത്. 24,000 കോടി രൂപയാണ് പദ്ധതിക്കായി വകയിരുത്തിയിട്ടുള്ളത്. ഒൻപത് മന്ത്രാലയങ്ങളാണ് ഇതിന് പിന്നിൽ പ്രവർത്തിക്കുന്നത്. 11 കാര്യങ്ങളാണ് പ്രധാനമായും ലക്ഷ്യം വയ്ക്കുന്നത്.
സുരക്ഷിതമായ പാർപ്പിടം, ശുദ്ധമായ കുടിവെള്ളം, വിദ്യാഭ്യാസം, ആരോഗ്യം, പോഷകാഹാരം, വൈദ്യുതി, റോഡ്, ടെലികോം കണക്റ്റിവിറ്റി തുടങ്ങിയ അടിസ്ഥാന സൗകര്യങ്ങൾ പദ്ധതി വാദ്ഗാനം ചെയ്യുന്നു. സുസ്ഥിര ഉപജീവന മാർഗങ്ങളിലൂടെ
സാമൂഹിക-സാമ്പത്തിക സാഹചര്യങ്ങൾ മെച്ചപ്പെടുത്താനും പദ്ധതി ലക്ഷ്യമിടുന്നു.
