ന്യൂഡൽഹി: പൈലറ്റിനെ യാത്രക്കാരൻ ഇടിച്ച സംഭവത്തിൽ അന്വേഷണം ആരംഭിച്ച് ഏവിയേഷൻ സെക്യൂരിറ്റി ഏജൻസി. ഡൽഹി എയർപോർട്ടിൽ വച്ച് വിമാനം പുറപ്പെടുന്നതിന് മുന്നോടിയായി അനൗൺസ്മെന്റ് നടത്തിയ പൈലറ്റിനെയാണ് യാത്രക്കാരൻ മർദ്ദിത്.
ഇൻഡിഗോയുടെ 6ഇ 2175 വിമാനത്തിൽ വച്ച് ഞായറാഴ്ച രാത്രിയായിരുന്നു സംഭവം. രാത്രി ഒരു മണിക്ക് ഡൽഹിയിൽ നിന്ന് ഗോവയിലേക്ക് പോകാനിരുന്ന വിമാനമായിരുന്നു.
VIDEO | An incident of a passenger assaulting an IndiGo pilot in the aircraft in Delhi when he announced flight delay was caught on camera.
The flight, which was delayed due to fog and low visibility, was scheduled from Delhi to Goa. IndiGo has filed a complaint regarding the… pic.twitter.com/inBHhKWkpK
— Press Trust of India (@PTI_News) January 15, 2024
കോ-പൈലറ്റ് അനൂപ് കുമാറിനെ സഹിൽ കതരിയ എന്ന യാത്രക്കാരനാണ് ഇടിച്ചിട്ടത്. മൂടൽമഞ്ഞ് കാരണം വിമാനം പുറപ്പെടാൻ വൈകുമെന്ന് പൈലറ്റ് അൻൗൺസ് ചെയ്തതിന് പിന്നാലെയായിരുന്നു സംഭവം. സീറ്റിൽ ഇരിക്കുകയായിരുന്ന യാത്രക്കാരൻ ഓടിവന്ന് പൈലറ്റിന്റെ മുഖത്തടിക്കുകയായിരുന്നു. എയർലൈൻ അധികൃതർ ഡൽഹി പോലീസിൽ പരാതി നൽകിയിട്ടുണ്ട്. പൈലറ്റിനെ മർദ്ദിച്ച യാത്രക്കാരൻ നിലവിൽ പോലീസ് കസ്റ്റഡിയിലാണ്. ശക്തമായ നടപടി സ്വീകരിക്കുമെന്ന് പോലീസ് ഉറപ്പുനൽകി.