“ഭ​ഗവാൻ രാമന്റെ അനു​ഗ്രഹം ലഭിച്ചു”; അക്ഷതം ലഭിച്ചതിലുള്ള സന്തോഷം പങ്കുവെച്ച് തമിഴ് ചലച്ചിത്ര മേഖലയിലെ നടൻ നാസർ അടക്കമുള്ള പ്രമുഖർ

രാജ്യം മുഴുവൻ അയോദ്ധ്യാ രാമക്ഷേത്രത്തിലെ പ്രാണ പ്രതിഷ്ഠാ ചടങ്ങിനായുള്ള കാത്തിരിപ്പിലാണ്. നൂറ്റാണ്ടുകളുടെ കാത്തിരിപ്പ് സഫലമാകുന്ന പുണ്യ മുഹൂർത്തം നേരിട്ട് കാണാൻ നിരവധി പ്രമുഖർക്ക് ക്ഷണം ലഭിച്ചിട്ടുണ്ട്. കശ്മീർ മുതൽ കന്യാകുമാരി വരെയുള്ള ശ്രീരാമ ഭക്തരുടെ വീടുകളിൽ രാമക്ഷേത്രത്തിൽ നിന്നുള്ള അക്ഷതവും എത്തിക്കുന്നുണ്ട്. രാമക്ഷേത്രത്തിൽ നിന്നുള്ള അക്ഷതം ലഭിച്ചതിലുള്ള സന്തോഷം പങ്കുവെയ്‌ക്കുകയാണ് തമിഴ് ചലച്ചിത്ര മേഖലയിൽ നിന്നുള്ള പ്രമുഖർ. നടൻ നാസർ മുതൽ സംവിധായകൻ കെ.എസ് രവികുമാർ വരെയുള്ളവർ സന്തോഷം പ്രകടിപ്പിച്ചു കൊണ്ട് വീഡിയോ പങ്കുവെച്ചു.

Prominent personalities of Tamil Film Industry are proud of the Ram Mandir consecration to be held on 22 Jan 2024 in Ayodhya!

Jai Shree Ram 🙏🚩#RamMandirPranPratishtha pic.twitter.com/rgGQQf5q6F

— Soma Sundaram 🇮🇳 (@isomasundaram72) January 11, 2024

“>

കെ.എസ് രവികുമാറിന്റെ വാക്കുകൾ,
നമസ്‌കാരം,അയോദ്ധ്യാ രാമക്ഷേത്രത്തിൽ നിന്നുള്ള അക്ഷതം എനിക്ക് ലഭിച്ചു. വളരെ സന്തോഷമുണ്ട്. ഇത് ലഭിച്ചത് പുണ്യമാണെന്ന് വിശ്വസിക്കുന്നു. നേരിട്ടെത്തി അക്ഷതം വാങ്ങണമെന്നാണ് ഇനി ആഗ്രഹം. അത് എപ്പോൾ സാധ്യമാകുമെന്ന് അറിയില്ല. അയോദ്ധ്യയിലെത്തി രാംലല്ലയെ ദർശിക്കണം. ജയ് ശ്രീറാം.

നടൻ നാസർ,
നമസ്‌കാരം. അയോദ്ധ്യാ രാമക്ഷേത്രത്തിൽ നിന്ന് അക്ഷതം ലഭിച്ചു. രാമക്ഷേത്രത്തിലെ ചടങ്ങുകൾ എല്ലാം നല്ല രീതിയിൽ നടക്കട്ടെ.

നടൻ തമ്പി രാമയ്യ,
ജനുവരി 22-ന് അയോദ്ധ്യയിൽ ഭഗവാൻ രാമൻ പ്രതിഷ്ഠിക്കപ്പെടുകയാണ്. ആ പുണ്യ മുഹൂർത്തം നടക്കുന്ന സമയത്ത് എനിക്കും അക്ഷതം ലഭിച്ചു. അക്ഷതം നൽകിയതിന് നന്ദി. ജയ് ശ്രീറാം.

സംവിധായകൻ പി വാസു,
ജയ് ശ്രീറാം, വളരെ സന്തോഷം. എനിക്ക് അക്ഷതം ലഭിച്ചത് പുണ്യമായി കാണുന്നു. രാമ ഭവാന്റെ അനുഗ്രഹം ലഭിച്ചതിന് തുല്യം. എന്റെ പൂജാമുറിൽ വച്ച് ദിനവും ഞാൻ ഈ അക്ഷതത്തെ പൂജിക്കും.