ആർഡിഎക്സിന് ശേഷം മഹിമ നമ്പ്യാരും ഷെയ്ൻ നിഗവും ഒന്നിക്കുന്ന ചിത്രമാണ് ലിറ്റിൽ ഹാർട്ട്സ്. ചിത്രത്തിലെ ആദ്യ ഗാനം അണിയറപ്രവർത്തകർ പുറത്തുവിട്ടു. ഏദൻ പൂവേ മനം തന്ന പെണ്ണേ… എന്ന് തുടങ്ങുന്ന ഗാനത്തിന്റെ വരികൾ രചിച്ചത് വിനായക് ശശികുമാറാണ്. സംഗീത സംവിധാനം കൈലാസ് മേനോനാണ് നിർവ്വഹിച്ചത്. കപിൽ കപിലാനും സന മൊയ്ദുട്ടിയുമാണ് ഗാനം ആലപിച്ചിരിക്കുന്നത്.
വ്യത്യസ്തമായ മൂന്നുപേരുടെ പ്രണയവും ഇവരുടെ ജീവിതത്തിലേക്ക് കടന്നുവരുന്ന ആള്ക്കാരും തുടര്ന്ന് നടക്കുന്ന സംഭവങ്ങളുമാണ് ചിത്രം പറയുന്നത്. സാന്ദ്ര തോമസ് പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രം എബി ട്രീസ പോള്, ആന്റോ ജോസ് പെരേര എന്നിവര് ചേര്ന്നാണ് സംവിധാനം ചെയ്തിരിക്കുന്നത്. സാന്ദ്ര തോമസ് പ്രൊഡക്ഷന്റെ ബാനറില് ഒരുങ്ങുന്ന രണ്ടാമത്തെ ചിത്രമാണിത്.
ബാബുരാജ്, ചെമ്പന് വിനോദ് ജോസ്, ജാഫര് ഇടുക്കി, രണ്ജി പണിക്കര്, അനു മോഹന്,എയ്മ റോസ്മി, മാലാ പാര്വതി, രമ്യ സുവി, പൊന്നമ്മ ബാബു, പ്രാര്ത്ഥന സന്ദീപ് എന്നിവരും ചിത്രത്തില് പ്രധാന വേഷങ്ങളില് എത്തുന്നു.
