ഏഴ് ദിവസം കൂടി കഴിയുന്നതോടെ മലൈക്കോട്ടൈ വാലിബൻ തീയേറ്ററുകളിലെത്തും. ലിജോ ജോസ് പെല്ലിശ്ശേരിയുടെ ചിത്രത്തില് ആദ്യമായി മോഹൻലാല് നായകനാകുന്നു എന്നതിനാൽ പ്രേക്ഷക പ്രതീക്ഷകൾക്ക് ഏറെയാണ്. ഇപ്പോൾ പുറത്ത് വരുന്ന സൂചനകൾ പ്രകാരം മലൈക്കോട്ടൈ വാലിബന് രണ്ട് ഭാഗങ്ങള് ഉണ്ടാകുമെന്നാണ് പറയുന്നത്.
അങ്ങനെയാണെങ്കിൽ മലൈക്കോട്ടൈ വാലിബൻ പ്രേക്ഷകർ പ്രതീക്ഷകൾക്ക് അപ്പുറമാകുമെന്ന് ഉറപ്പിക്കാം. സിനിമാ എക്സ്പ്രസാണ് രണ്ടാം ഭാഗത്തെ കുറിച്ച് റിപ്പോര്ട്ട് ചെയ്തിരിക്കുന്നത്. ഈ വരുന്ന 25-നാണ് ചിത്രം തീയേറ്ററുകളിലെത്തുന്നത്.
രണ്ടു മണിക്കൂർ ഏഴ് മിനിറ്റുമാണ് മലൈക്കോട്ടൈ വാലിബന്റെ ദൈർഘ്യം. ചിത്രത്തിന്റെ ടീസറിനും, ഗാനത്തിനുമെല്ലാം ആരാധകർക്കിടയിൽ മികച്ച സ്വീകാര്യതയാണ് ലഭിച്ചിട്ടുള്ളത്. സൊണാലി കുൽക്കർണി, ഹരീഷ് പേരടി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠൻ ആചാരി തുടങ്ങി നിരവധി താരങ്ങൾ ചിത്രത്തിൽ പ്രധാന വേഷങ്ങളിലെത്തുന്നു. ജോൺ ആൻഡ് മേരി ക്രിയേറ്റിവിസ്, സെഞ്ച്വറി ഫിലിംസ്, അനൂപിന്റെ മാക്സ് ലാബ്, വിക്രം മെഹ്റ, സിദ്ധാർഥ് ആനന്ദ് കുമാർ എന്നിവരുടെ ഉടമസ്ഥയിലുള്ള സരിഗമ ഇന്ത്യാ ലിമിറ്റഡ് എന്നിവർ ചേർന്നാണ് ചിത്രത്തിന്റെ നിർമ്മാണം. പി.എസ് റഫീക്കിന്റേതാണ് തിരക്കഥ.
