പ്രേമം എന്ന ചിത്രത്തിലൂടെ മലയാളികളുടെ മനസ് കീഴടക്കിയ നടിയായിരുന്നു സായ് പല്ലവി. തെന്നിന്ത്യൻ ചിത്രങ്ങളിൽ വളരെ സജീവമായി നിൽക്കുകയാണ് സായ് പല്ലവി. എന്നാൽ സോഷ്യൽ മീഡിയയിൽ നടി അത്ര സജീവമല്ല. വല്ലപ്പോഴും മാത്രം സോഷ്യൽ മീഡയയിൽ ചിത്രങ്ങൾ പങ്കുവെയ്ക്കുന്ന താരത്തിനൊപ്പം അനുജത്തി പൂജ കണ്ണനും ഉണ്ടാകാറുണ്ട്.
ചില ഷോർട്ട് ഫിലിമുകളിലും മറ്റും നായികയായി എത്തിയ പൂജ കണ്ണൻ സോഷ്യൽമീഡിയയിലും സജീവമാണ്. ഇപ്പോഴിതാ പൂജ ഇൻസ്റ്റഗ്രാമിൽ പങ്കുവച്ച പോസ്റ്റാണ് ആരാധകർക്കിടയിൽ ചർച്ചയാകുന്നത്. തന്റെ പങ്കാളിയെ പരിചയപ്പെടുത്തിക്കൊണ്ടുള്ള വീഡിയോയാണ് പൂജ പങ്കുവച്ചത്.
‘നിസ്വാർത്ഥമായി സ്നേഹിക്കാനും ക്ഷമയോടെയും സ്നേഹബന്ധം മുന്നോട്ട് കൊണ്ടുപോകാനും എന്തൊക്കെയാണ് ചെയ്യേണ്ടതെന്ന് ഇവൻ എന്നെ പഠിപ്പിച്ചു.
ഇതാണ് വിനീത്, എന്റെ ജീവിതത്തിലെ പുതുവെളിച്ചം. എന്റെ പങ്കാളി എന്നായിരുന്നു പൂജ പങ്കുവെച്ച പോസ്റ്റ്.’ ഒപ്പം ഇരുവരും ഒരുമിച്ചുള്ള ചിത്രങ്ങൾ കോർത്തിണക്കിയ വീഡിയോയും പൂജ പോസ്റ്റ് ചെയ്തു.
View this post on Instagram
ഇതോടെ പൂജ വിവാഹിതയാകുന്നു എന്ന വാർത്തയാണ് പുറത്തുവരുന്നത്. സായ് പല്ലവിയുടെ വിവാഹം എപ്പോഴാണ് എന്നുള്ള ചോദ്യങ്ങളാണ് പൂജയുടെ പോസ്റ്റിന് ചുവടെ എത്തുന്നത്.
നിലവിൽ ഏറ്റെടുത്തിരിക്കുന്ന ചിത്രങ്ങളുടെ തിരക്കിലാണ് സായ് പല്ലവി. നാഗചൈതന്യയുടെ നായികയായി എത്തുന്ന തണ്ടേലിന്റെ ചിത്രീകരണം പുരോഗമിക്കുകയാണ്. ശിവകാർത്തികേയനൊപ്പമുള്ള എസ്കെ 21, ബോളിവുഡ് ചിത്രം രാമായണ എന്നിവയാണ് സായ് പല്ലവിയുടെ വരാനിരിക്കുന്ന ചിത്രങ്ങൾ.
