ചെന്നൈ: പ്രാണ പ്രതിഷ്ഠയ്ക്ക് മുന്നോടിയായി രാമസേതു നിർമ്മിച്ച സ്ഥലമെന്ന് വിശ്വസിക്കപ്പെടുന്ന അരിചാൽ മുനൈയും കോതണ്ഡരാമസ്വാമി ക്ഷേത്രത്തിലും സന്ദർശനം നടത്തി പ്രധാനമന്ത്രി നരേന്ദ്ര മോദി.
അരിചാൽ മുനെയിൽ പ്രധാമനമന്ത്രി അനുലോമ പ്രാണായാമവും പരിശീലിച്ചു. രാവണനെ പരാജയപ്പെടുത്താൻ ശ്രീരാമൻ പ്രതിജ്ഞയെടുത്ത സ്ഥലമാണ് ധനുഷ്കോടിയെന്നാണ് വിശ്വാസം. ശ്രീരാമൻ ലങ്കയിലേക്ക് പോയ പുണ്യഭൂമിയാണ് ഇത്.
#WATCH | Tamil Nadu: Prime Minister Narendra Modi visits Arichal Munai point in Dhanushkodi, which is said to be the place from where the Ram Setu was built. pic.twitter.com/GGFRwdhwSH
— ANI (@ANI) January 21, 2024
ശ്രീ കോതണ്ഡരാമ സ്വാമി ക്ഷേത്രത്തിലും പ്രധാനമന്ത്രി ദർശനം നടത്തി പൂജകളിലും പങ്കെടുത്തു. വില്ലേന്തിയ രാമനാണ് ഇവിടുത്തെ പ്രതിഷ്ഠ. രാവണന്റെ സഹോദരൻ വിഭീഷണൻ ആദ്യമായി ശ്രീരാമനെ കാണുകയും അഭയം തേടുകയും ചെയ്തത് ഇവിടെ വച്ചാണ്. ശ്രീരാമൻ വിഭീഷണന്റെ പട്ടാഭിഷേകം നടത്തിയ സ്ഥലമാണിതെന്നുമാണ് ഐതിഹ്യം.