ന്യൂഡൽഹി : അയോദ്ധ്യയിലെ രാമക്ഷേത്ര പ്രതിഷ്ഠയ്ക്കുള്ള ഒരുക്കങ്ങൾ ഏതാണ്ട് അവസാന ഘട്ടത്തിലാണ്. രാജ്യത്തിന്റെ നാനാഭാഗത്തുനിന്നും ആളുകൾ ഇവിടേയ്ക്ക് എത്തിത്തുടങ്ങിയിട്ടുണ്ട്. അയോദ്ധ്യയിൽ രാംലല്ലയെ വരവേൽക്കാൻ സ്വകാര്യ കമ്പനികളും തങ്ങളുടേതായ രീതിയിൽ ഒരുങ്ങുകയാണ്.
ഐടിസി ഗ്രൂപ്പ് കമ്പനിയായ മംഗൾദീപ് രാമക്ഷേത്രത്തിൽ ആരാധനയ്ക്കായി അടുത്ത 6 മാസത്തേക്കുള്ള ധൂപവർഗ്ഗങ്ങളാണ് നൽകിയത് . അദാനി ഗ്രൂപ്പും ഒരുക്കങ്ങൾ നടത്തിയിട്ടുണ്ട്. അദാനി ഗ്രൂപ്പ് കമ്പനിയായ വിൽമർ അയോദ്ധ്യയിലെത്തുന്ന ഭക്തർക്ക് ജിലേബികൾ വിതരണം ചെയ്യാനാണ് തീരുമാനിച്ചിരിക്കുന്നത് . ഒപ്പം ഭക്ഷണശാലയും ഒരുക്കും .
ഇന്ത്യയിലെ വൻകിട ബിസിനസ് ഗ്രൂപ്പായ റിലയൻസ് ജനുവരി 22 ന് രാജ്യത്തുടനീളമുള്ള ഓഫീസുകളിൽ അവധി നൽകാൻ തീരുമാനിച്ചു. മുംബൈയിലേത് ഉൾപ്പെടെയുള്ള എല്ലാ ഓഫീസുകളും അടഞ്ഞുകിടക്കും. റിലയൻസ് ചെയർമാൻ മുകേഷ് അംബാനി പ്രാണപ്രതിഷ്ഠ ചടങ്ങിൽ പങ്കെടുക്കാനെത്തും . അയോദ്ധ്യയിലെത്തുന്ന ഭക്തർക്ക് ശുദ്ധജലം വിതരണം ചെയ്യുമെന്ന് റിലയൻസ് ഗ്രൂപ്പ് അറിയിച്ചിട്ടുണ്ട്.
