ഇസ്ലാമാബാദ് : അയോദ്ധ്യ രാമക്ഷേത്രത്തിലെ പ്രാണപ്രതിഷ്ഠാ ചടങ്ങ് പാകിസ്താനിൽ ആഘോഷിച്ച് മുൻ പാക് ക്രിക്കറ്റ് താരം ഡാനിഷ് കനേരിയ . പാകിസ്താനിലെ രാം മന്ദിറിലാണ് പ്രത്യേക ചടങ്ങുകൾ നടന്നത് .
കറാച്ചിയിലെ കറാച്ചിയിലെ ശ്രീ സ്വാമി രാം നാരായൺ ക്ഷേത്രത്തിൽ നടന്ന പൂജയിൽ കുടുംബാംഗങ്ങൾക്കൊപ്പമാണ് കനേരിയ പങ്കെടുത്തത് . ഇതിന്റെ ദൃശ്യങ്ങളും അദ്ദേഹം സോഷ്യൽ മീഡിയയിൽ പങ്ക് വച്ചു.
കറാച്ചി ക്ഷേത്രത്തിന്റെ പേര് പതിച്ചിട്ടുള്ള കാവി ഷാൾ പുതച്ചാണ് കനേരിയ ചടങ്ങിൽ പങ്കെടുത്തത് . കൂടാതെ, ക്ഷേത്രത്തിന് പുറത്ത് പടക്കം പൊട്ടിച്ച് രാമക്ഷേത്ര ചടങ്ങ് ആഘോഷിച്ചതും വീഡിയോയിൽ കാണാം. കനേരിയ പൂജാരിമാർക്കൊപ്പം ആരാധന നടത്തുന്നതും കാണാമായിരുന്നു. ഈ പ്രത്യേക നിമിഷം അദ്ദേഹത്തിന്റെ ഭാര്യയാണ് ക്യാമറയിൽ പകർത്തിയത് . വീഡിയോയുടെ തുടക്കത്തിൽ അയോദ്ധ്യയിലെ രാമക്ഷേത്രവും ദൃശ്യമായിരുന്നു.