ബോളിവുഡിന്റെ പ്രിയ താരദമ്പതിമാർ വീണ്ടും ബിഗ് സ്ക്രീനിൽ ഒന്നിക്കുന്നു. സഞ്ജയ് ലീല ബൻസാലിയുടെ (എസ്എൽബി) ‘ലവ് ആൻഡ് വാർ’ എന്ന ചിത്രത്തിലൂടെയാണ് രൺബീറും ആലിയയും ഒരുമിക്കുന്നത്. വിക്കി കൗശലും ചിത്രത്തിൽ ഒരു പ്രധാന കഥാപാത്രമാകുന്നുണ്ട്. ചിത്രത്തിന്റെ അനൗൺസ്മെന്റ് പോസ്റ്റർ താരങ്ങളും അണിയറ പ്രവർത്തകരും പുറത്തുവിട്ടു. സമൂഹമാദ്ധ്യമമായ ഇൻസ്റ്റഗ്രാമിലൂടെയാണ് ചിത്രത്തിന്റെ പോസ്റ്റർ പുറത്തുവിട്ടത്. ചിത്രത്തെ കുറിച്ചുള്ള മറ്റ് അപ്ഡേഷനുകളൊന്നും പുറത്തുവന്നിട്ടില്ല.
View this post on Instagram
ലവ് ആൻഡ് വാർ ഇതിഹാസ സമാനമായ ചിത്രമായിരിക്കും. സിനിമയുടെ ചിത്രീകരണം ഉടൻ ആരംഭിക്കും. അടുത്ത വർഷം ക്രിസ്തുമസിന് ചിത്രം തീയേറ്ററുകളിലെത്തും. ഇത് രണ്ടാം തവണയാണ് സഞ്ജയ് ലീല ബൻസാലിയുടെ ചിത്രത്തിൽ രൺബീർ അഭിനയിക്കുന്നത്. ഗംഗുഭായ് കാത്തിയവാഡിയാണ് ആലിയയും എസ്എൽബിയും ഒരുമിച്ച ചിത്രം. ഗംഗുഭായിയിലെ പ്രകടനത്തിന് താരം ദേശിയ പുരസ്കാരവും നേടിയിരുന്നു. വിക്കിയും എസ്എൽബിയും ആദ്യമായാണ് ഒരുമിക്കുന്നത്.