ചെളിയിൽ താഴ്ന്നുപോയ ആനക്കുട്ടിയെ അതീവ സാഹസികമായി രക്ഷപെടുത്തുന്ന ആനക്കൂട്ടത്തിന്റെ ദൃശ്യങ്ങളാണ് ഇപ്പോൾ വൈറലാകുന്നത് . ജോലാണ്ടി ഡി ക്ലെർക്ക് എന്ന യുവതിയാണ് ഹണിമൂൺ യാത്രയ്ക്കിടയിൽ ഇത്തരമൊരു സംഭവത്തിന് സാക്ഷ്യം വഹിച്ചത് .
“അഡോ എലിഫൻ്റ് നാഷണൽ പാർക്കിലെ ഞങ്ങളുടെ ആദ്യ ഡ്രൈവ് ആയിരുന്നു അത്. ആദ്യത്തെ വലിയ ആനക്കൂട്ടത്തെ കണ്ടപ്പോൾ ഞങ്ങൾ നേരെ പ്രധാന ക്യാമ്പിലേക്ക് പോയി. ചെറുതും വലുതുമായ ആനകൾ എല്ലാവരും ചെളി നിറഞ്ഞ ഒരു ചെറിയ കുളം ഉപയോഗിക്കുന്നു .
അപ്പോഴാണ് ഇതിനിടയിൽ ഏറ്റവും ഭംഗിയുള്ള ആനക്കുട്ടിയെ ഞങ്ങൾ കണ്ടത്. അതും വെള്ളത്തിന്റെ പങ്ക് ലഭിക്കാൻ ശ്രമിക്കുകയായിരുന്നു. നിർഭാഗ്യവശാൽ അത് വാട്ടർഹോളിന്റെ വഴുവഴുപ്പുള്ള ഭാഗത്താണ് നിന്നത് . ഒരു കണ്ണിമവെട്ടത്തിൽ, ആനക്കുട്ടി ചെളിവെള്ളത്തിലേക്ക് വീണു അപ്രത്യക്ഷമായി! കൂട്ടത്തിൽ മുഴുവൻ ഒരു പരിഭ്രാന്തി ഉടലെടുത്തു . വെള്ളത്തിന് അടുത്തുള്ള ആനകൾ ഓടിയെത്തി തുമ്പിക്കൈ നീട്ടി. കുഞ്ഞിനെ പുറത്തെടുക്കാൻ തീവ്രമായി ശ്രമിച്ചു , പക്ഷേ ആനക്കുട്ടി താഴ്ന്നുപോകുകയായിരുന്നു. ഏറെ പണിപ്പെട്ടാണ് അവർ ആ ആനക്കുട്ടിയെ രക്ഷപെടുത്തിയത് ‘ – ജോലാണ്ടി സോഷ്യൽമീഡിയയിൽ കുറിച്ചു.