പാരീസ്: ആഗോള പ്രശസ്തി നേടി യുപിഐ. ഫ്രാൻസിലെ പ്രശസ്തമായ ഈഫൽ ടവറിലാണ് യൂണിഫൈഡ് പേയ്മെൻ്റ് ഇൻ്റർഫേസ് (യുപിഐ) ആരംഭിച്ചിരിക്കുന്നത്. പ്രധാനമന്ത്രി നരേന്ദ്ര മോദിയുടെ ദർശനത്തിന്റെ ഭാഗമാണ് പുതിയ ചുവടുവെപ്പെന്ന് ഫ്രാൻസിലെ ഇന്ത്യൻ എംബസി വ്യക്തമാക്കി.
യുപിഐയെ ആഗോളവത്കരിക്കുന്നതിലേക്കുള്ള സുപ്രധാന ചുവടുവെപ്പാണിതെന്ന് പ്രധാനമന്ത്രി അഭിനന്ദിച്ച് കൊണ്ട് വ്യക്തമാക്കി. യുപിഐ ലോക വ്യാപകമാക്കുന്നതിൽ സന്തോഷമുണ്ട്. ഡിജിറ്റൽ പേയ്മെൻ്റുകൾ പ്രോത്സാഹിപ്പിക്കുന്നതിനും ബന്ധങ്ങൾ ശക്തിപ്പെടുത്തുന്നതിന്റെയും മികച്ച ഉദാഹരണമാണ് ഇതെന്നും പ്രധാനമന്ത്രി എക്സിൽ കുറിച്ചു.
Great to see this- it marks a significant step towards taking UPI global. This is a wonderful example of encouraging digital payments and fostering stronger ties. https://t.co/jf1sTf41c5
— Narendra Modi (@narendramodi) February 2, 2024
അഭിവൃദ്ധി പ്രാപിക്കുന്ന ജനതയെ കെട്ടിപ്പടുത്തുന്നതിലും പൗരന്മാരുടെ ശാക്തീകരണവും ഡിജിറ്റൽ പങ്കാളിത്തം ഉറപ്പാക്കുന്നതിനുമായി തങ്ങൾ പ്രതിജ്ഞാബദ്ധരാണെന്ന് ഇന്ത്യ-ഫ്രാൻസ് സംയുക്ത പ്രസ്താവനയിൽ പറഞ്ഞിരുന്നു. കഴിഞ്ഞ വർഷം എൻപിസിഐ ഇൻ്റർനാഷണൽ പേയ്മെൻ്റ് ലിമിറ്റഡും (എൻഐപിഎൽ) ഫ്രാൻസിലെ ലൈറ കളക്റ്റും ഫ്രാൻസിലും യൂറോപ്പിലും യൂണിഫൈഡ് പേയ്മെൻ്റ് ഇൻ്റർഫേസ് (യുപിഐ) നടപ്പിലാക്കുന്നതിനുള്ള കരാർ നടപ്പിലാക്കി. ഇരു രാജ്യങ്ങളും യുപിഐ സംവിധാനം ഉപയോഗിക്കാൻ സമ്മതിച്ചതായും പ്രധാനമന്ത്രി വ്യക്തമാക്കിയിരുന്നു. ഫ്രാൻസിലെ ഇന്ത്യൻ വിനോദസഞ്ചാരികൾക്ക് ഇന്ത്യൻ രൂപയിൽ പണമടയ്ക്കാണൻ സാധിക്കും.