ചിരഞ്ജീവി നായകനായെത്തുന്ന പുതിയ ചിത്രം വിശ്വംഭരയുടെ റിലീസ് തീയതി പ്രഖ്യാപിച്ചു. ആരാധകരുടെ ആകാംക്ഷ ഇരട്ടിയാക്കികൊണ്ട് അടുത്ത വർഷം ജനുവരിയിലാണ് ചിത്രം റിലീസ് ചെയ്യുന്നത്. 2025 ജനുവരി10-നാണ് ചിത്രം തിയേറ്ററുകളിലെത്തുന്നത്. റിലീസ് തീയതിയ്ക്കൊപ്പം പുതിയ പോസ്റ്ററും അണിയറ പ്രവർത്തകർ പങ്കുവച്ചിട്ടുണ്ട്.
ചിരഞ്ജീവിയുടെ 156-ാമത്തെ ചിത്രമാണ് വിശ്വംഭര. വസിഷ്ഠയുടെ സംവിധാനത്തിലൊരുങ്ങുന്ന ചിത്രം ചിരഞ്ജീവിയുടെ കരിയറിലെ ബിഗ് ബജറ്റ് പ്രോജക്ടുകളിലൊന്നാണ്. വിക്രം, വംശി, പ്രമോദ് എന്നിവർ ചേർന്നാണ് ഇത് നിർമ്മിക്കുന്നത്. അനുഷ്ക ഷെട്ടിയുള്പ്പടെ നിരവധി ജനപ്രിയ നായികമാർ നായികമാർ ചിത്രത്തിലെത്തുന്നുണ്ടെന്നാണ് റിപ്പോർട്ടുകൾ.
ചിരഞ്ജീവിയുടെ ഫാന്റസി ത്രില്ലര് ചിത്രമാണ് വിശ്വംഭര. കഴിഞ്ഞ ദിവസമാണ് സിനിമയുടെ ചിത്രീകരണം തുടങ്ങിയത്. ചിരഞ്ജീവി തന്നെയാണ് ഇക്കാര്യം സമൂഹമാദ്ധ്യമങ്ങളിലൂടെ പങ്കുവച്ചത്. ഒരു ഇതിഹാസം ഉയരാൻ പോകുന്നുവെന്ന് ചിത്രത്തിന്റെ അണിയറ പ്രവർത്തകർ എക്സിൽ കുറിച്ചു.
