നമ്മുടെ പ്രിയപ്പെട്ടവരുടെ സന്തോഷത്തിൽ പങ്കുചേരാനായി നമ്മൾ എത്രവലിയ തിരക്കുകളും മാറ്റിവെക്കാറുണ്ട്. അത് വളരെ സർപ്രൈസായിട്ടാണ് എത്തുന്നതെങ്കിലോ കൂടുതൽ സന്തോഷമായിരിക്കും. അത്തരത്തിൽ ഒരു ഹൃദ്യമായ സന്ദർശനത്തിന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധനേടുന്നത്.
മലയാള സിനിമയുടെ മെഗാസ്റ്റാർ മമ്മൂട്ടി തന്റെ പേഴ്സണൽ മേക്കപ്പ് ആർട്ടിസ്റ്റിന്റെ പുതിയ വീട്ടിലെത്തിയപ്പോഴുള്ള ഒരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. പേഴ്സണൽ മേക്കപ്പ് ആർട്ടിസ്റ്റ് സലാം അരൂക്കുറ്റിയുടെ വീട്ടിലാണ് മമ്മൂട്ടി ആശംസകളുമായി എത്തിയത്. സലാമിന്റെ പുതിയ വീട് മമ്മൂട്ടി ചുറ്റിക്കാണുകയും ആശംസകൾ അറിയിക്കുകയും ചെയ്തു. ഏറെ നേരം കുടുംബാംഗങ്ങൾക്കൊപ്പം സമയം പങ്കിട്ടതിന് ശേഷമാണ് മമ്മൂട്ടി മടങ്ങിയത്.
View this post on Instagram
മമ്മൂട്ടി തന്റെ വീട് സന്ദർശിച്ചപ്പോഴുള്ള മനോഹര നിമിഷങ്ങൾ സലാം അരീക്കുറ്റി തന്നെയാണ് സമൂഹമാദ്ധ്യമങ്ങളിൽ പങ്കുവച്ചത്. മമ്മൂക്ക എന്റെ വീട്ടിൽ എന്ന ക്യാപ്ഷനോടെയാണ് സലാം വീഡിയോ പങ്കിട്ടിരിക്കുന്നത്.
