ഇന്ത്യൻ വംശജനായ അമേരിക്കൻ നടനാണ് അക്ഷയ് ഒബ്റോയ്. നിരവധി ബോളിവുഡ് ചിത്രങ്ങളിൽ അക്ഷയ് ഒബ്റോയ് അഭിനയിച്ചിട്ടുണ്ട്. താരത്തിന്റെതായി അവസാനം ഇറങ്ങിയ ചിത്രം ഹൃത്വിക് റോഷൻ നായകനായെത്തിയ ‘ഫെെറ്റർ’ ആയിരുന്നു. ചിത്രം റിലീസായതിന് ശേഷം അക്ഷയ് ഒബ്റോയ് ഒരു അഭിമുഖത്തിനിടെ പറഞ്ഞ കാര്യങ്ങളാണ് സമൂഹമാദ്ധ്യമങ്ങളിൽ ശ്രദ്ധേയമാകുന്നത്. ക്യാമറയ്ക്ക് മുന്നിൽ പൂർണ നഗ്നനായി അഭിനയിക്കാനും തനിക്ക് മടിയില്ലെന്നാണ് നടൻ പറഞ്ഞത്.
‘ക്യാമറയ്ക്ക് മുന്നിൽ പൂർണനഗ്നനായി അഭിനയിക്കാൻ എനിക്ക് കഴിയും. അതിലെനിക്ക് യാതൊരുവിധ പ്രശ്നവുമില്ല. സിനിമക്ക് വേണ്ടി എന്ത് ചെയ്യാനും എനിക്കൊരു മടിയുമില്ല. നമ്മുടെ ജോലിയിലൂടെ ഒരുപാട് കാര്യങ്ങൾ നമുക്ക് പഠിക്കാൻ സാധിക്കും. എന്റെ കരിയർ അങ്ങനെതന്നെയാണ് മുന്നേറുന്നത്.
കാശ്മീരിലെയും അസമിലെയും മനോഹരമായ സ്ഥലങ്ങളിലായിരുന്നു ഫൈറ്ററിന്റെ ഷൂട്ടിംഗ് നടന്നത്. വലിയ യുദ്ധവിമാനങ്ങളിലൊക്കെ ഇരുന്ന് യാത്ര ചെയ്യുന്ന വ്യത്യസ്തമായ അനുഭവങ്ങളായിരുന്നു സിനിമയിൽ നിന്നും ലഭിച്ചത്. ചിത്രീകരണം അവസാനിച്ചപ്പോൾ എനിക്ക് വളരെ വിഷമം തോന്നിയിരുന്നു.’- അക്ഷയ് ഒബ്റോയ് പറഞ്ഞു.
