വില്യംസൺ കട്ടക്കലിപ്പിൽ..! സഹതാരത്തോട് നടുവിരൽ ഉയർത്തി പ്രതിഷേധം; കാരണമിത്

പൊതുവെ ലോകക്രിക്കറ്റിലെ ശാന്ത സ്വഭാവക്കാരനും നല്ല പെരുമാറ്റക്കാരനുമാണ് കിവീസ് നായകൻ കെയ്ൻ വില്യംസൺ. ഇന്ത്യയിലും താരത്തിന് വലിയ ആരാധകവൃന്ദമാണുള്ളത്. കളത്തിന് പുറത്തും അകത്തും വളരെ മാന്യനായ വില്യംസണ്, ഇതിന്റെ നിരവധി മുഹൂർത്തങ്ങളും ലോകക്രിക്കറ്റിലുണ്ട്. എന്നാൽ ​ഗുജറാത്ത് ടൈറ്റൻസിന്റെ താരമായ വില്യംസണ് ഇപ്പോൾ അത്ര നല്ല കാലമല്ല. പരിക്കുകൾ വിടാതെ പിന്തുടരുന്ന താരം ഇപ്പോൾ വിവാദത്തിലായിരിക്കുകയാണ്.

പരിശീലനത്തിനിടെ സഹതാരത്തിനോട് അശ്ലീല ആം​ഗ്യം കാട്ടിയതാണ് താരത്തിനെ വിവാദത്തിലാക്കിയത്. ഇതിന്റെ വീഡിയോ സോഷ്യൽ മീഡിയയിൽ വൈറലായിട്ടുണ്ട്. ദക്ഷിണാഫ്രിക്കയ്‌ക്കെതിരെയുള്ള ടെസ്റ്റ് പരമ്പരയിൽ കളിക്കുകയാണ് താരം. മൂന്നാം ദിവസത്തെ പരിശീലന സെഷനിലായിരുന്നു സംഭവം. താരം സ്ട്രെച്ച് ചെയ്യുന്നതിനിടെ ഒരു സഹതാരം വില്യംസന്റെ ശരീരത്തിൽ പന്തടിച്ചിട്ടു. ഇതാണ് താരത്തെ ചൊടിപ്പിച്ചത്. പിന്നാലയാണ് താരം നടുവിരൽ ഉയർത്തി കാട്ടിയത്. ഇതിന്റെ വീഡിയോ കാമറാമാൻ പകർത്തുകയാരുന്നു. ഇതാണ് പുറത്തുവന്നത്.

A rare moment of Kane Williamson misjudging the line and length of a delivery #NZvSA pic.twitter.com/WhssLhl7mT

— Michael Forbes (@Michael_Forbes) February 5, 2024

“>